ҚАЕУ халықаралық қос дипломды бағдарламасының магистрлеріне алғашқы дипломдарды тапсыру

2025 жылғы 19 желтоқсанда Қазақстан-Американдық еркін университетінде Батыс Саксон қолданбалы ғылымдар университетімен (Цвикау қ., Германия) бірлесіп іске асырылатын «Менеджмент және ақпараттық технологиялар» қос дипломды магистрлік бағдарламасының түлектеріне дипломдар салтанатты түрде табыс етілді.

Қос дипломды бағдарлама ақпараттық технологиялар саласындағы басқарушылық құзыреттер мен заманауи білімді ұштастыратын мамандарды даярлауға бағытталған және цифрлық экономика мен халықаралық кәсіби орта жағдайында жұмыс істеудің  тәжірибелік дағдыларын қалыптастыруға бағытталған. Оқыту қазақстандық және неміс тараптарының ғылыми жетекшілерінің қатысуымен екі серіктес университеттерде жүзеге асырылады, бұл түлектердің академиялық және  тәжірибелік даярлығының жоғары деңгейін қамтамасыз етеді.

Дипломдар тапсыру оқудың сәтті аяқталғанын ресми растау және түлектерге кәсіби іске асыру, академиялық ұтқырлық және халықаралық жобаларға қатысу үшін кең мүмкіндіктер ашатын тиімді халықаралық ынтымақтастықтың нәтижесі болды.