ҚАЕУ командасы – «ХХІ ғасыр педагогикасындағы Абай мұрасы» IV Республикалық педагогикалық олимпиадасының жүлдегері
2025 жылғы 23-24 сәуірде Сәрсен Аманжолов атындағы Шығыс Қазақстан университетінің базасында педагогикалық дайындық бағыттарының студенттері арасында IV Республикалық педагогикалық олимпиада өтті. Биылғы іс-шара «ХХІ ғасыр педагогикасындағы Абай мұрасы» тақырыбына арналды.
Олимпиаданың мақсаты – дарынды студенттерді анықтау және қолдау, олардың ғылыми және шығармашылық әлеуетін дамыту, сондай-ақ қазіргі білім беру жағдайында Ұлы Абайдың педагогикалық мұрасын өзектендіру.
Қазақстан-Американдық еркін университетінің командасы олимпиаданың жүлдегері атанып, құрметті III орынға ие болып, ақшалай сыйлық алды.
Олимпиада бағдарламасы үш кезеңнен тұрды:
1. Абайдың педагогикалық идеяларын пайдалана отырып, өмірлік жағдайды сахналау.
2. Оқу сабағының үзіндісін көрсету.
3. «Абай және ХХІ ғасырдағы Қазақстан» тақырыбындағы ғылыми жобаны қорғау.
ҚАЕУ командасының құрамы:
- Рамазанов Әли Нұрбекұлы – «Дене шынықтыру және спорт» білім беру бағдарламасы, 2 курс;
- Тілеужанова Тахмина Тілеубекқызы – «Қазақ тілі мен әдебиеті» білім беру бағдарламасы, 2 курс;
- Нысанова Құралай Ержанқызы – «Қазақ тілі мен әдебиеті» білім беру бағдарламасы, 2 курс;
- Сейітқұмарова Ділназ Мұратқызы – «Қазақ тілі мен әдебиеті» білім беру бағдарламасы, 2 курс.
Команда жетекшілері – ҚАЕУ оқытушылары:
- Нұрланова Әсем Нұрланқызы – филология ғылымдарының кандидаты, педагогика және психология кафедрасының меңгерушісі;
- Еділбаева Гүлжан Бақытбекқызы-педагогика және психология кафедрасының аға оқытушысы.
ҚАЕУ командасын лайықты жеңісімен құттықтаймыз және университетті республикалық деңгейде лайықты көрсеткені үшін алғыс айтамыз!
Педагогика және психология кафедрасы
