ҚАЕУ студентінің халықаралық аренадағы спорттық жетістіктері

2026 жылғы 25 қаңтар мен 2 ақпан аралығында «Қашқұлақ» (Қырғызстан) тау шаңғысы базасында Қырғызстан Ұлттық чемпионаты мен FIS қамқорлығымен жарыстар өтті. Жарысқа Қырғызстан, Қазақстан, Өзбекстан, Тәжікстан және Арменияның мықты спортшылары қатысты.

Жарыстар қорытындысы бойынша «Дене шынықтыру және спорт» білім беру бағдарламасының 1 курс студенті Квач Валерия тамаша нәтижелер көрсетті:

– SL (слалом) – 2, 3, 3, 3 орындар;

– GS (алып слалом) – 3 орын.

Валерия Өскемен қаласының «№12 мектеп-гимназиясының» түлегі және «Қысқы спорт түрлері бойынша олимпиадалық резервтің Шығыс Қазақстан облыстық мамандандырылған балалар-жасөспірімдер мектебі» КММ тәрбиеленушісі болып табылады, онда ол одан әрі спорттық  дамудың берік негізін қалады.

Қазақстан-Американдық еркін университеті өз студентінің жетістіктерімен мақтан етеді және студенттердің спорттағы әлеуетін іске асыру үшін барлық жағдай жасай отырып, спорт қоғамдастығын белсенді қолдайды. Валерия халықаралық аренада жаңа жетістіктер мен жарқын жеңістерге шабыттандыратынына сенімдіміз!

Педагогика және психология кафедрасы