ҚАЕУ студенттері Халықаралық ғылыми конгрессте волонтер-аудармашылар рөлін атқарды

Қазақстан-Американдық еркін университетінің 6В01703 «Шет тілі: екі тілі» және 6В02301 «Аударма  ісі» білім беру бағдарламаларының студенттері «Цифрлық әлемдегі білім беруді ізгілендіру: халықаралық серіктестіктің кәсіби және этикалық бағдарлары» Халықаралық ғылыми конгресін ұйымдастыруға және өткізуге белсенді қатысып, волонтер-аудармашылар ретінде қызмет атқарды.

Бірнеше күн бойы студенттер шетелдік қонақтар мен конгреске қатысушыларға тілдік қолдау көрсетті. Студенттер пленарлық отырыс, қонақ дәрістері және бейресми кездесулер кезінде ауызша дәйекті және синхронды аударманы орындады.

Осындай ауқымды халықаралық іс-шараға қатысу студенттер үшін алған білімдері мен мәдениетаралық коммуникация, академиялық және мамандандырылған аударма дағдыларын   нақты жағдайда қолдануға мүмкіндік беретін құнды кәсіби тәжірибеге айналды.

Ұйымдастырушылар мен шақырылған қонақтар ҚАЕУ студенттерінің тілдік дайындық деңгейі мен жауапкершілігін жоғары бағалап, олардың құзыреттілігін, ақ пейілдігін және көптілді ортада жұмыс істей білуін атап өтті.

Шет тілдері кафедрасы студенттерге белсенділігі, бастамашылығы және университеттің халықаралық ынтымақтастығын дамытуға қосқан үлесі үшін алғыс білдіреді және олардың жеке және кәсіби қалыптасуында одан әрі табыстар тілейді.