Қалжыр орта мектебінің оқушысы ҚАЕУ білім беру грантының иегері атанды

2025 жылғы 21-24 сәуір аралығында Қазақстан Республикасы Білім Министрлігінің «Дарын» Республикалық ғылыми-тәжірибелік орталығы Қанипа Омарғалиқызы Бітібаева атындағы қазақ тілі мен әдебиеті бойынша республикалық олимпиада өткізді. Биылғы жылы олимпиада қазақ әдебиетінің көрнекті педагогы мен зерттеушісінің 80 жылдығына орай ұйымдастырылды.

Олимпиада оқушылардың қазақ тілі мен әдебиеті бойынша білімдерін тереңдетуге және жетілдіруге, сондай-ақ олардың зияткерлік және шығармашылық әлеуетін дамытуға бағытталған. Іс-шараға еліміздің барлық өңірлерінен 9-11 сыныптардың 200-ге жуық дарынды оқушылары қатысты.

Соңғы кезең дарынды балаларға арналған Жамбыл атындағы мамандандырылған мектеп-гимназия-интернатының базасында өтті және екі кезеңнен тұрды: эссе жазу және ауызша сөйлеу.

Олимпиада қорытындысы бойынша үш жүлдегерге білім гранттары берілді. Қазақстан-Американдық еркін университетінің білім грантын Марқакөл ауданы Қалжыр орта мектебінің 11 сынып оқушысы Жайна Дулатқызы алды.

Грантты ҚАЕУ бірінші вице-президенті Жасұлан Ерболұлы Байкенов тапсырды.

ҚАЕУ дарынды жастарды қолдайтынын және Қазақстанның зияткерлік әлеуетін дамытуға үлес қосатынын мақтан тұтады. Жайнаны лайықты жеңісімен құттықтаймыз және оған жарқын студенттік жол мен үлкен жетістіктер тілейміз!