Ағылшын тілі грамматикасын оқыту әдістемесі бойынша ашық сабақ
«Шет тілінде білім берудің заманауи әдістемесі» пәні аясында 2026 жылдың 31 наурызында колледж және университет студенттері үшін «Шет тілі: екі шет тілі» білім беру бағдарламасының ағылшын тілін оқыту әдістемесі бойынша ашық сабақ өтті. Сабақтың тақырыбы шет тіліндегі коммуникативті құзыреттілікті қалыптастырудың негізгі аспектілерінің бірі ретінде грамматиканы оқытуға арналды. Жетекші оқытушы-Осколкова Анна Александровна, шет тілдері кафедрасының аға оқытушысы.
Сабақ интерактивті форматта өтті және топтық жұмыстың әртүрлі түрлерін қамтыды. Бірінші кезеңде студенттер «грамматика» терминінің анықтамасын табу және тұжырымдау үшін топтарда жұмыс істеді, сонымен қатар оның негізгі сипаттамалары мен шет тілін үйренудегі рөлін талқылады.
Келесі кезең шағын топтардағы жұмыс болды, оның барысында білім алушылар ағылшын тілі мен басқа тілдер – орыс, қазақ, неміс, қытай, түрік және корей тілдерінің ұқсастықтары мен айырмашылықтарын талдады. Грамматикалық құрылымдарға, сөздердің ретіне, сондай-ақ уақыт өрнегі мен тек категориясының ерекшеліктеріне ерекше назар аударылды.
Ашық сабақ грамматиканы оқытуда салыстырмалы тәсілдің маңыздылығын көрсетті және болашақ шет тілдері оқытушыларының аналитикалық ойлауын, тілдік хабардарлығын және кәсіби дағдыларын дамытуға ықпал етті.
Шет тілдері кафедрасы
