«AI & Инновация: заманауи менеджердің сын-қатерлері» дөңгелек үстелі

2025 жылғы 24 қазанда Қазақстан-Американдық еркін университетінде Қазақстан Республикасының Президенті Қасым-Жомарт Тоқаевтың 2025 жылғы 8 қыркүйектегі «Қазақстан жасанды интеллект дәуірінде: цифрлық трансформация арқылы өзекті міндеттер мен оларды шешу жолдары» атты Жолдауын түсіндіру шеңберінде ұйымдастырылған «AI & Инновациялар: заманауи менеджердің сын-тегеуріндері» атты дөңгелек үстел өтті.       Дәріскерлер ретінде ҚАЕУ бизнес кафедрасының аға оқытушысы О. Б. Лейман және ҚАЕУ бизнес кафедрасының аға оқытушы-зерттеушісі Е. Е. Сумарева сөз сөйледі.

Дөңгелек үстелге «Туризм», «Менеджмент», «Қаржы» және «Есеп және аудит» білім беру бағдарламаларының 4 курс студенттері қатысты.

Кездесудің мақсаты – жасанды интеллект пен инновациялық технологиялардың қарқынды дамуы кәсіби ортаға қалай әсер ететінін, жас мамандар алдында қандай мүмкіндіктер ашылатынын, сондай-ақ болашақ менеджері үшін қандай құзыреттер маңызды болатынын талқылау.

Іс-шара барысында студенттер AI-ді басқаруда, қызмет көрсетуде, қаржылық талдауда және туристік салада қолдануға арналған өздерінің  тұсаукесерлері мен шағын зерттеулерін ұсынды. Қатысушылар өз сөздерінде  үдерістерді автоматтандыру, технологияларды пайдалану этикасы, бизнесті цифрлық трансформациялау және менеджерлерді еңбек нарығының жаңа жағдайларына бейімдеу мәселелерін қозғады.

Пікірталас  қызу және  мазмұнды өтті. Қатысушылар жасанды интеллект адамды алмастырмайтынын, бірақ мамандардан аналитикалық ойлаудың жоғары деңгейін, шығармашылықты және тұрақты оқуға дайындықты талап ететінін атап өтті.

Дөңгелек үстел қорытындысы бойынша барлық қатысушыларға сертификаттар табысталды.

Бизнес кафедрасы