Болашақ психологтар «Асыл Мирас» аутизмі бар балаларды қолдау орталығының жұмысымен танысты

2026 жылдың 10 қарашасында «Психология» білім беру бағдарламасының 4-курс студенттері «Арнайы психология» пәнін оқу аясында Шығыс Қазақстан облысы білім басқармасының «Асыл Мирас» аутизмі бар балаларды қолдау орталығы» КММ-де болды.

Кездесу барысында орталықтың әдіскері Айжан Кәкенқызы Кәкенова студенттерге аутизм спектрінің бұзылуы (АСД) бар балалардың психологиялық ерекшеліктерімен, мекеме құрылымымен, мамандардың жұмысымен, сондай-ақ балалар мен олардың ата-аналарына психологиялық-педагогикалық көмектің негізгі бағыттарымен таныстыра отырып, ақпараттық әңгіме өткізді.

Педагог-психологтар мен дефектологтардың  тәжірибелік қызметімен танысу болашақ психологтардың ерекше қызығушылығын тудырды. Студенттер диагностика және түзету-дамыту сабақтары өткізілетін мамандандырылған кабинеттерге барып, орталықтың материалдық-техникалық жабдықталуымен және АСД бар балалармен жұмыс жасауда мамандар қолданатын әдістемелік материалдармен танысты.

Орталыққа бару студенттерге ерекше білім беру қажеттіліктері бар балаларды кешенді психологиялық-педагогикалық сүйемелдеу іс жүзінде қалай ұйымдастырылатынын көруге, арнайы психология саласындағы мамандардың кәсіби міндеттері туралы түсініктерін кеңейтуге және олардың жұмысының нақты жағдайларымен танысуға мүмкіндік берді.

Мұндай тәжірибеге бағытталған кездесулер болашақ психологтардың кәсіби дайындығының маңызды құрамдас бөлігі болып табылады, теориялық білімді шоғырландыруға және ерекше білім беру қажеттіліктері бар балалармен жұмыс ерекшеліктерін тереңірек түсінуге ықпал етеді.

Қазақстан-Американдық еркін университеті орталық директоры Дүйсембинова Динара Амангелдіқызына және әдіскер Какенова Айжан Кәкенқызына мазмұнды кездесу, ашықтық және студенттерді орталықтың маңызды және әлеуметтік маңызды қызметімен таныстыру мүмкіндігі үшін алғыс білдіреді.