IT-Менеджмент

Білім беру бағдарламасының сипаттамасы

7М04105 «Менеджмент және ақпараттық технологиялар» білім беру бағдарламасы – бұл қос дипломды бағдарлама (double degree), келесі бес серіктес университетпен бірлесіп жүзеге асырылады:
Батыс Саксон қолданбалы ғылымдар университеті (Германия),
Қазақстан-Американдық еркін университеті (Қазақстан),
Армения мемлекеттік экономикалық университеті (Армения),
Қырғыз-Герман қолданбалы информатика институты (Қырғызстан),
Халықаралық Қаратеңіз университеті (Грузия).

Бағдарлама IT-менеджмент саласында теориялық және практикалық білім алуға бағытталған. Болашақ түлектер Machine Learning, деректерге негізделген шешім қабылдау аналитикасы, заманауи басқару жүйелері, бағдарламалау парадигмалары, бизнес-ақпараттық жүйелер және басқа да IT-менеджменттің негізгі пәндері бойынша терең білім алады.

Бағдарлама түлектері жобаларды басқаруда IT құралдарын қолдана алады, жобаларды өмірлік циклінің барлық кезеңінде сүйемелдей алады, IT-командаларды басқара алады, операциялық менеджментті енгізіп, тәуекелдерді болжай алады, компания мен оның бөлімдерінің жұмысын тиімді ұйымдастыра алады, сондай-ақ бизнес-процестерді әзірлеп, оларды үнемі жетілдіре алады.

Бағдарламаны аяқтағаннан кейін магистранттар қос диплом алады — Қазақстан-Американдық еркін университеті мен Батыс Саксон қолданбалы ғылымдар университетінің (Германия) дипломдары.

Магистратурада кадрларды даярлау бағыты:

Ғылыми және педагогикалық, оқу мерзімі – 2 жыл. Бұл бағыт ЖОО-лар мен ғылыми ұйымдар үшін терең ғылыми-педагогикалық және зерттеу дайындығы бар кадрларды даярлауға бағытталған.

Оқыту түрі:
Күндізгі. ҚАЕУ магистратурада оқуды ақылы негізде және мемлекеттік грант есебінен ұсынады. Оқу уақыты – кешкі.

Академиялық дәрежесі:
Экономика ғылымдарының магистрі, білім беру бағдарламасы – 7М04105 «Менеджмент және ақпараттық технологиялар»

Білім беру бағдарламасының шифры мен атауы:
7М04105 – Ғылыми-педагогикалық бағыт «Менеджмент және ақпараттық технологиялар»

Екі қабылдау емтиханы:

1. Шет тілі бойынша
2. Мамандығы бойынша (Менеджмент, Бизнес ұйымдастыру)

Қабылдау үшін қажетті шарттар:

1. Бакалавриат деңгейі келесі білім беру бағдарламалары бойынша: «Менеджмент», «Ақпараттық жүйелер», «Халықаралық қатынастар», «Лингвистика», сондай-ақ осы салаларға жақын бағыттар.
2. Ағылшын тілін B2 деңгейінде меңгергенін дәлелдейтін сертификаттар: Cambridge Certificate, GMAT, IELTS, LCCI-Test, TELC, TOEFL, TOEIC.

ҚАСУ магистранттарына арналған оқу кезеңдері:

• 1-семестр – Батыс Саксония қолданбалы ғылымдар университеті (Германия)
• 2-семестр – 2 семестр – любой из вузов партнеров.
• 3-семестр – Қазақстан-Американдық еркін университеті
• 4-семестр – Қазақстан-Американдық еркін университеті

Мемлекеттік гранттар:

Жыл сайын «Менеджмент» білім беру бағдарламасы бойынша магистратурада оқуға шамамен 200 мемлекеттік грант бөлінеді. Бұл жоғары білікті басқарушыларға деген сұраныстың артып келе жатқанын көрсетеді. Мемлекет менеджмент саласындағы білім беру бағдарламаларын дамытуға белсенді қолдау көрсетіп, магистранттарды дайындау мен олардың еңбек нарығына сәтті шығуы үшін барлық жағдайларды жасайды. Бұл түлектерге әртүрлі салаларда басқарушылық білім мен дағдыларын тиімді қолдануға және ұлттық әрі халықаралық деңгейде экономиканың тиімділігі мен тұрақтылығын арттыруға мүмкіндік береді.

Бейіндік пәндер:

• Машиналық оқыту
• Заманауи басқару жүйелері
• Деректерге негізделген шешім қабылдау аналитикасы
• Бағдарламалау парадигмалары
• Тәуекелдер мен басқарушылық бақылау
• Бизнес-ақпараттық жүйелер
• Экономика жаһандану жағдайындағы басқарушылық мәселелер
• Бағдарламалық жүйелерді әзірлеу және енгізу
• Халықаралық коуч-жобаны басқару және т.б.

Оқытушылар мен бизнес-тренерлер:

Сабақтарды, мастер-кластарды және тренингтерді ақпараттық технологиялар мен менеджмент саласындағы тәжірибелі оқытушылар мен сарапшылар жүргізеді:

1. Байкенов Жасулан Ерболұлы – философия докторы (PhD), ҚАЕУ «Бизнес» кафедрасының қауымдастырылған профессоры
2. Попова Галина Владимировна – физика-математика ғылымдарының кандидаты, ҚАЕУ «Бизнес» кафедрасының қауымдастырылған профессоры
3. Бордияну Илона Владимировна – философия докторы (PhD), ҚАЕУ «Бизнес» кафедрасының профессоры
4. Мухамадиева Айжан Аргыновна – экономика ғылымдарының кандидаты, ҚАЕУ «Бизнес» кафедрасының зерттеуші профессоры
5. Четтыкбаев Руслан Кайратович – техникалық ғылымдар магистрі, ҚАЕУ «Бизнес» кафедрасының аға оқытушысы
6. Исмухамедова Айгерим Мэлсатовна – техникалық ғылымдар магистрі, ҚАЕУ «Бизнес» кафедрасының аға оқытушысы

Игерілетін дағдылар:

«IT-менеджмент» бағдарламасының магистранттары келесі салаларда терең білім мен дағдыларға ие болады:

• IT-стратегиялық басқару – ұйым мақсаттарына сай IT-ресурстарды басқару стратегияларын әзірлеу және іске асыру әдістерін меңгеру
• IT-жобаларды басқару – жобаларды жоспарлау, ұйымдастыру және бақылау дағдылары
• Деректерді талдау және бизнес-аналитика – шешім қабылдауға және компания қызметін оңтайландыруға бағытталған бизнес-процестерді талдау құралдары
• Ақпараттық қауіпсіздік және тәуекелдерді басқару – деректер мен жүйелер қауіпсіздігін қамтамасыз ету принциптері
• Инновациялар мен цифрлық трансформация – заманауи технологиялар мен трендтерді зерттеу, оларды бизнесте тиімді қолдану

Халықаралық бағдарламалар:

Халықаралық серіктестік пен академиялық ұтқырлық бағдарламалары аясында магистранттар жетекші шетелдік ЖОО-ларда оқу, тағылымдама мен тәжірибе өту мүмкіндігіне ие болады. Олар Германия мен АҚШ-тағы дамыған IT-менеджмент, стратегия және цифрлық трансформация саласындағы әдістерді меңгереді. Бұл тәжірибе олардың кәсіби дағдыларын дамытып, халықаралық еңбек нарығында табысты мансап құруға негіз болады.

Мансаптық мүмкіндіктер:

«IT-менеджмент» бағдарламасының магистранттары келесі салаларда мансап құра алады:

• Инновациялық технологиялар мен цифрлық трансформация – жаңа технологияларды енгізу жобаларына қатысу
• IT-стратегияларды басқару – бизнес мақсаттарына жету үшін ақпараттық технологияларды басқару стратегияларын әзірлеу
• IT-жобаларды басқару – жобаларды жоспарлау және іске асыру, уақыт пен бюджетке сай орындау
• Деректерді талдау және бизнес-аналитика – бизнес-процестерді талдау және оңтайландыру ұсыныстарын әзірлеу
• Киберқауіпсіздік – ақпаратты қорғау саласында жұмыс, қауіпсіздік аудиті және стратегияларды енгізу