ҚАЕУ-де қаржылық сауаттылық курстары аяқталды
«Қарызсыз қоғам» жобасын іске асыру аясында «AMANAT» партиясының бастамасымен ҚАЕУ студенттері үшін қаржылық сауаттылық курстары өтті.
Оқыту барысында жоба тәлімгері Ермек Жұмағұлов «Қарызсыз қоғам» — бұл жай ғана білім беру жобасы емес, алаяқтықтан қорғануға және қаржылық тұзақтардан аулақ болуға қабілетті қаржылық сауатты қоғам құруға жасалған маңызды қадам екенін атап өтті.
Курстарда отбасылық бюджетті қалыптастыру, инвестициялау негіздері, мемлекеттік гранттық қаржыландыру және бизнесті несиелеу бағдарламаларына қатысу және жеке қаржыны басқарудың басқа да маңызды мәселелері сияқты негізгі тақырыптар қарастырылды.
Оқу аяқталғаннан кейін Ермек Маратұлы қатысушыларға курсты сәтті аяқтағаны туралы сертификаттар табыс етті. Бұл сертификаттар түлектерге алған білімдерін бекітіп қана қоймай, болашақта өздерінің қаржылық сауаттылығын дамытуды жалғастыруға мүмкіндік беретін қаржылық мәселелер бойынша кейінгі кеңес берулер мен сүйемелдеулер алуға құқық береді.
