Батыс Саксон қолданбалы ғылымдар университетінің оқытушысы ҚАЕУ-де бірқатар іс-шаралар өткізді

Қазақстан-Американдық еркін университетінде Батыс Саксон қолданбалы ғылымдар университетінің (Германия) шетелдік оқытушысы, ҚАЕУ PhD докторанты Штефан Ноактың сапары аясында бірқатар іс-шаралар өтті.

Екі апталық сапар аясында түрлі кездесулер өткізілді, олардың бірі Қазақстан Республикасының Ғылым және жоғары білім министрі Саясат Нұрбекпен кездесу болды. Осы кездесу барысында Штефан Ноак білім беру мекемелері арасындағы ынтымақтастықты жүзеге асырудың дәлелі ретінде Батыс Саксон университетімен «IT-Менеджмент»  қос дипломды магистратура бағдарламасының сәтті іске қосылғаны туралы айтты.

6 желтоқсанда Германия елшісі Моника Иверсеннің сапары аясында Штефан Ноак елшімен ҚАЕУ-нің неміс жоғары оқу орындарымен ынтымақтастығымен бөлісті.

Ресми кездесулерден басқа, Штефан Ноак университеттің білім беру  үдерісіне өз үлесін қосты. «Басқаруды бақылау», «Ұйымдастырушылық әрекет» пәндері бойынша ашық дәрістер, сондай-ақ ҚАЕУ лингвистикалық орталығында неміс тілі мен ағылшын тілі бойынша сабақтар өткізілді.

Сондай-ақ, жергілікті мектеп оқушыларымен бірқатар кездесулер және Абай атындағы Шығыс Қазақстан гуманитарлық колледжіне бару маңызды сәт болды, оның барысында білім алушылар тәжірибелі оқытушымен және неміс тілінде сөйлеушімен бірге оқу мүмкіндігін бағалады.

Сондай-ақ, сапар барысында Штефан Германиядағы жоғары білім беру жүйесінің бірегей аспектілерімен ҚАЕУ магистранттарымен бөлісті.

Қазақстан-Американдық еркін университеті Штефан Ноакты Батыс Саксон қолданбалы ғылымдар университетімен ұзақ мерзімді ынтымақтастық пен инновациялық жобаларды дамытуға қосқан зор үлесі үшін өте бағалайды.