Білім берудегі IT-технологияларды пайдалану бойынша шеберлік сыныбы

2024 жылдың 15 қарашасында Қазақстан-Американдық еркін университеті мен «Назарбаев Зияткерлік мектебі» ААҚ арасындағы ынтымақтастық туралы Меморандум аясында «Педагогика және психология» кафедрасының аға оқытушысы Ж.К.Саданованың жетекшілігімен педагогикалық білім беру бағдарламаларының 3-ші курс студенттері «Білім берудегі ІТ технологиялар» курсы бойынша «Назарбаев Зияткерлік мектебі» ААҚ озат ұстаздары ұйымдастырған шеберлік-сыныбына қатысты.

Қазақ тілі пәнінің мұғалімдері К.Е. Турганбаев, Ж.Т.Китапбаева, Г.С.Арыстанбек өздерінің тәжірибелерімен бөлісе отырып, білім беру үрдісінде қолданып жүрген Canva, InVideo AI, Emaze, Dreamina, Padlet, Lumio, Formative, CapCut, Quizizz, Kahoot, OnlineTestPad платформаларымен және олардың мүмкіндіктерімен таныстырды.

Осы шараны өткізген ұстаздарға, ұйымдастыруға қолдау көрсеткен мектептің директоры Ж.О.Ерниязова мен информатика пәнінің мұғалімі Ж.М.Сейтахметоваға үлкен алғысымызды білдіреміз.