ҚАЕУ-ге 30 жыл: Хью Холлманның  дәрісханасының ашылуы

2024 жылғы 26 қыркүйекте Қазақстан-Американдық еркін университетінде профессор Хью Холлман атындағы  дәрісхана ашылды.

Хью Холлман – Қазақстан-Американдық еркін университетінің негізін қалаушылардың бірі, 2004 жылдан 2012 жылға дейін Аризона штатының Темпе қаласының мэрі қызметін атқарған АҚШ азаматы, саясаткер. 

Холлман – қоғам белсендісі, ерікті және жарқын саясаткер. Оның мемлекеттік қызметкер, оқытушы, экономист және заңгер ретіндегі тәжірибесі оған жергілікті, ұлттық және халықаралық деңгейде қоғамдық бағдарламалар мен саясатын  әзірлеуге мүмкіндік берді.

Оның алыс 90-жылдары академик, химия ғылымдарының докторы Ережеп  Әлхайырұлы Мәмбетқазиевпен белсенді серіктестігі биылғы жылы 30 жылдығын атап өтетін Қазақстан-Американдық еркін университетінің құрылуына әкелді.

Х.Холлманның университетті құру мен дамытудағы еңбегін мойындай отырып, ҚАЕУ 202  дәрісханаға профессор Хью Холлманның есімін берді.

Ашылу аясында университет студенттері мен оқытушылары ұсынған соттың оқу отырысы өтті, олар онда академиялық ортада сот процесін модельдеу арқылы заң саласындағы білімдері мен дағдыларын көрсетті.

Құқық және халықаралық қатынастар кафедрасы