ҚАЕУ олимпиада жеңімпазына грант табыстады
2025 жылдың 28 ақпанында Қазақстан-Американдық еркін университеті Абай Құнанбаевтың туғанына 180 жыл толуына орай қазақ тілі мен әдебиетінен XI өңірлік олимпиада өткізді. Пәндік олимпиадаға Ұлан, Үлкен Нарын, Катон-Қарағай, Глубокое аудандары, Абай облысының Жарма ауданы және Өскемен қаласы мектептерінің 10,11-сыныптары бойынша барлығы 85 оқушы қатысты.
Пәндік олимпиадалар – дарынды оқушыларды табу, олардың шығармашылық әлеуетін дамыту және ғылым мен білімге деген қызығушылығын ынталандырудың тамаша тәсілі. Ал олимпиадаға қатысушылар үшін бұл – өз білімдерін тексеру, өзін-өзі бағалау және емтихансыз жоғары оқу орнына түсу мүмкіндігі. Қазақ тілі мен әдебиеті бойынша пәндік олимпиада үздіктердің үздігін іріктейді, сонымен қатар болашақ талапкерлер арасында ұлы ақын Абай Құнанбаевтың дүниетанымын түсінуге мүмкіндік туғызады.
Олимпиада 2 кезеңнен тұрды. 1-кезеңде қатысушылар оқу бағдарламасы бойынша тест тапсырмаларын шешсе, 2-кезеңде Абай Құнанбаевтың өмірі мен шығармашылығына байланысты эссе жазды.
Олимпиада аясында Шығыс Қазақстан лингвистикалық орталығының оқытушысы Аймұхамбетова Ләззат Әскербекқызы «Білім берудегі заманауи әдіс-тәсілдер және жасанды интеллект» тақырыбында мұғалімдерге арнап семинар өткізді. Барлық қатысушыларға сертификаттар табысталды.
Олимпиаданың 2-кезеңіне өткен оқушыларға «Педагогика және психология» кафедрасының аға оқытушысы, психолог Катанова Елизавета Темирбековна тренинг жүргізді.
Олимпиада қорытындысы бойынша жүлделі орын алғандар:
10-сыныптар арасында:
| Орын | Аты-жөні | Мектеп |
| 1-орын | Дидарқызы Айша | «Заки Ахметов атындағы № 16 орта мектебі» КММ |
| 2-орын | Жанарбекқызы Аружан | ШҚО білім басқармасы Өскемен қаласы бойынша білім бөлімінің «№6 орта мектебі» КММ |
| Салауатқызы Айша | ШҚО білім басқармасы Өскемен қаласы бойынша білім бөлімінің «Ахмер орта мектебі» КММ | |
| Рахамбай Назира | ШҚО білім басқармасы Ұлан ауданы бойынша ББ «М.Ломоносов атындағы орта мектебі» КММ | |
| 3-орын | Бекболат Ләйла | ШҚО білім басқармасы Өскемен қаласы бойынша білім бөлімінің « Абай атындағы №33 орта мектебі » КММ |
| Рүстемова Адия | ШҚО білім басқармасы Өскемен қаласы бойынша білім бөлімінің «№ 47 жалпы білім беретін мектеп» КММ | |
| Мырзағалиева Аружан | ШҚО білім басқармасы Өскемен қаласы бойынша білім бөлімінің «№ 47 жалпы білім беретін мектеп» КММ |
11-сыныптар арасында:
| Орын | Аты-жөні | Мектеп |
| 1-орын | Саянқызы Саяжан | ШҚО білім беру басқармасы Өскемен қаласы бойынша «М. Шаяхметов атындағы №23 орта мектебі» КММ |
| 2-орын | Хайратбек Жайдарман | ШҚО білім басқармасы Өскемен қаласы бойынша білім бөлімінің«Ахмет Байтұрсынов атындағы №20 орта мектебі» КММ |
| 3-орын | Сайлауқанова Назгүл Дәуренқызы | ШҚО білім басқармасы Катонқарағай ауданы бойынша ББ «Сейтқамза Ластаев атындағы орта мектебі» КММ |
Биыл өткізілген XI өңірлік Олимпиаданың
жүлде қоры төмендегідей болды:
| 1-орын | Қазақстан-Американдық еркін университеті президентінің гранты |
| 2-орын | ҚАЕУ-де оқу ақысына 50 % жеңілдік |
| 3-орын | ҚАЕУ-де оқу ақысына 30 % жеңілдік |
Жеңімпаздарды құттықтаймыз! Ел болашағы боларлық білімді талапкерлер дайындаған жетекшілерге алғыс білдіреміз!
«Педагогика және психология» кафедрасы
