«ҚАЕУ – жасампаздықтың 30 жылы» салтанатты іс-шарасы
2024 жылғы 26 қыркүйекте «Ертіс концерт» ОМҮ-де Қазақстан-Американдық еркін университетінің 30 жылдығына арналған мерекелік іс-шара өтті. Бұл ерекше оқиға шетелдік және қазақстандық серіктестерді, түлектерді, оқытушыларды, студенттер мен құрметті қонақтарды бір шаңырақ астына жинап, Қазақстандағы халықаралық серіктестіктің алғашқы жоғары оқу орны болған университеттің табысты жұмысының үш онжылдығын атап өтті. Іс-шараға ғылым және жоғары білім вице-министрі Ахмед-Заки Дархан Жұмақанұлы, ҚР жоғары оқу орындары Қауымдастығының президенті Алшанов Рахман Алшанұлы, ШҚО әкімінің орынбасары Нұрғалиев Ербол Жолдаспекұлы, Өскемен қаласының әкімі Омар Жақсылық Мұқашұлы қатысты.
Мерейтойлық кешті түлектердің бейне құттықтауы ашты, содан соң университет өкілдері құттықтау сөз сөйледі. «Бүгінгі мерейтой-біз үшін ерекше маңызды оқиға. 30 жыл – Республикадағы алғашқы халықаралық серіктестік университетіне және оны құрушы, ҚР ҰҒА академигі Ережеп Мәмбетқазиевтің ректорлық қызметіне 40 жыл»,-деп атап өтті ҚАЕУ-нің бірінші вице-президенті Жасұлан Байкенов.
Мерейтойлық салтанатқа құрметті қонақтар ретінде қатысқандар: АҚШ, Словакия, Германияның Төтенше және Өкілетті елшілері, АҚШ, Германия, Ресей, Өзбекстан, Түркия және т.б. елдердің 60-тан астам шетелдік серіктестері, жоғары оқу орындарының ректорлары, Шығыс Қазақстан облысының колледждерінің, мектептерінің және басқа да білім беру ұйымдарының директорлары, әлеуметтік серіктестер, жергілікті атқарушы органдар, ішкі істер органдары, қаланың жетекші кәсіпорындары басшылары, ҚАЕУ түлектері, оқытушылары мен студенттері.
Ғылым және жоғары білім министрлігінің Алғыс хаттарымен Ғылым және жоғары білім вице-министрі Дархан Жұмақанұлы Ахмед-Закидің қолынан ҚАЕУ-дің шетелдік серіктестері Ганс-Кристиан Браувейлер, Дуглас Кейт Хартман, Кэтлин Мари Хайд, Патрик Клэнд Митчел, Маршалл Кэннет Кристенсен, Хью Холман, Даниэль Джером балласт, Штефан Ноак марапатталды.
Шығыс Қазақстан облысы әкімінің Алғыс хаттары ШҚО әкімінің орынбасары Ербол Жолдаспекұлы Нұрғалиевтің қолынан университеттің шетелдік серіктестеріне білім беру бағдарламалары мен халықаралық ынтымақтастықты дамытуға қосқан елеулі үлесі үшін Бернд Цирклер, Кай Нобах, Джеймс Ивенсон, Мария Петерсонға табыс етілді.
Өскемен қаласының әкімі Жақсылық Омар Мұқашұлының қолынан әлеуметтік және білім беру бастамаларын дамытуға елеулі үлес қосқан ҚАЕУ серіктестері-Брайн Янг, Вероника Маккей, Данет ВерВорт, Лу Фольц, Роджер Мартин, Джеймс Саймонс, Жанин Уайли Алғыс хаттарды алды.
Салтанатты іс-шара аясында университетті құттықтау үшін арнайы келген құрметті қонақтар құттықтау сөз сөйледі:
– Германия Федеративтік Республикасының Қазақстан Республикасындағы Төтенше және Өкілетті Елшісі Моника Иверсон ханым,
– Словакия Республикасының Қазақстан Республикасындағы Төтенше және Өкілетті Елшісі Роберт Кирнаг мырза,
– АҚШ Елшілігінің мәдениет және білім беру атташесі Колин Гуард мырза,
– Қазақстан Республикасындағы Гете-Институт директорының орынбасары Марек Грыглевич мырза,
– next Level English халықаралық лингвистикалық мектебінің негізін қалаушы және директоры Николас Драпо мырза.
ҚАЕУ басшылығының түрлі қызмет салаларындағы еңбегі үшін алғыстары келесі білім және бизнес өкілдеріне табысталды:
Чернышева Иннеса Александровна-Шығыс Қазақстан облысы Білім басқармасының басшысы;
Жұманова Гаухар Сайлаубекқызы – «Өрлеу» біліктілікті арттыру Ұлттық орталығы» ШҚО бойынша кәсіби даму институты» АҚ Филиалының директоры;
Алагузова Сәуле Бауыржанқызы- «Өскемен қаласы бойынша Білім бөлімі» ММ басшысы;
Нұрғалиев Ербол Жолдаспекұлы-Шығыс Қазақстан облысы әкімінің идеологиялық бағыт бойынша орынбасары;
Смит Ирина Федоровна-Өскемен қаласы әкімінің әлеуметтік мәселелер жөніндегі орынбасары;
Омарбеков Ерлан Болатұлы-ШҚО ПД бастығы, полиция генерал-майоры;
Байшолақов Алмат Мұратұлы-ШҚО прокуроры, III сыныпты мемлекеттік әділет кеңесшісі;
Шәкенов Денис Владимирович-ҚР Сыбайлас жемқорлыққа қарсы іс-қимыл Агенттігінің ШҚО бойынша департаментінің басшысы;
Кокумбаев Ринат Төлеуханұлы-ШҚО ҰҚК Департаментінің бастығы;
Юнусов Равиль Александрович – «Қазақстан халқы Ассамблеясы» республикалық ҚБ өкілі;
Лазарев Андрей Павлович-КАЗЦИНК ЖШС әкімшілік мәселелер жөніндегі атқарушы директоры;
Бежецкий Сергей Владимирович – ҮМЗ АҚ Басқарма төрағасы;
Мамутова Әсем Тілекқызы – «ӨТМК» АҚ президенті;
Тумашинов Эльдар Лукбекович – Глубокое ауданының әкімі.
ҚАЕУ-нің халықаралық бағдарламалар және ынтымақтастық жөніндегі вице-президенті Дэниел Бэлласт өз сөзінде кез келген ЖОО-дағы басты тұлға болып табылатын студент екенін және ҚАЕУ өзінің талантты оқушыларымен мақтанатынын атап өтті. Мереке аясында университеттің мерейтойына орай ұйымдастырылған «ҚАЕУ үздік 30 студенті» байқауының жеңімпаздарына марапаттар табысталды. Бұл студенттер университеттің жетістіктері мен болашағының символына айналды.
Іс-шара барысында «Қызмет жолындағы көшбасшылық» кітабының тұсаукесері өтті. Мәскеудің жетекші баспа үйлерінің бірінде жарық көрген кітап Ережеп Мәмбетқазиевтің өмір жолы мен философиясының символына айналды. Университет президенті бұл 40 жыл көшбасшылыққа, даналыққа және білімге деген адалдыққа толы болғанын, соның арқасында мыңдаған студенттер өз өмірлерін жақсы жаққа өзгертуге мүмкіндік алғанын атап өтті.
Кітаптың алғашқы оқырмандарының бірі Қазақстан жоғары оқу орындары Қауымдастығының төрағасы Рахман Алшанов болды, ол сөз сөйлеп, Ережеп Мәмбетқазиевтің ғылыми және білім беру мұрасының маңыздылығын атап өтті.
Сөз сөйлеу үшін Қазақ спорт және туризм академиясының президенті, 1994 жылы Шығыс Қазақстан мемлекеттік университетінің ректоры болған кезде ҚАЕУ-ді ашудың бастауында тұрған профессор Қайрат Закирьяновқа сөз берілді. Ол Ережеп Мәмбетқазиев Қазақстанның жоғары білім беру жүйесінде жұмыс істейтіндердің барлығының нағыз шабытшысы және үлгісі болғанын атап өтті.
Қорытынды сөз Ережеп Мәмбетқазиевтің өзіне берілді, ол қатысқандардың барлығына университеттің дамуына қосқан үлесі мен қолдауы үшін алғыс білдірді. Оның сөзін залдың ду қол шапалақтаумен және барлық қатысушылар ҚАЕУ президентін қошеметпен қарсы алды.
Рәсім соңында алғаш рет ҚАЕУ-нің 30 жылдығына арнайы құрылған университеттің Әнұраны шырқалды. Сахнада 50-ге жуық студент өнер көрсетті, олар университеттің жалаулары бар динамикалық музыкамен бірнеше қатарға тұрды. Сахнаның артқы жағында екі үлкен жалауша ашылып, салтанатты атмосфера пайда болды.
Іс-шара осы күнді ұмытылмас еткен барлық қатысушылар мен қонақтарға алғыс сөздерімен және университет пен оның серіктестеріне сәттілік пен өркендеу тілеуімен аяқталды.
