ҚАЕУ оқытушыларына арналған «Сапа менеджменті қағидаттары негізінде экономикалық пәндерді оқыту» семинары

Биыл Қазақстан-Американдық еркін университеті 30 жылдық мерейтойын атап өтуде. Осы іс-шараны мерекелеу аясында ЖОО-да көптеген ауқымды іс-шаралар өтуде. 2024 жылғы 24 қыркүйекте «Сапа менеджменті қағидаттары негізінде экономикалық пәндерді оқыту» тақырыбында семинар өтті. Оны Аккредиттеу жөніндегі директор Стив Парскал, бизнес мектептері мен бағдарламаларын аккредиттеу Кеңесі (ACBSP) Overland Park, Канзас штаты (АҚШ)  жүргізді. Семинарға ҚАЕУ және Д.Серікбаев атындағы ШҚТУ оқытушылары қатысты. 

Семинарда Стив Парскал білім беру саласындағы Болдридждің сапа менеджменті жүйесі туралы айтып, басқарудың озық дәлелденген әдістері өзінің тиімділігін көрсеткеніне баса назар аударды. 

«Менің сіздермен осы ақпаратпен бөлісу маңызды, соның арқасында сіздер оқыту әдістемесін жетілдіре аласыздар, студенттердің оқу тиімділігі мен олардың білім сапасын арттыра аласыздар, ең бастысы – өз қаласы мен елінің дамуына ықпал ететін нағыз мамандарды шығара аласыздар», – деп атап өтті Стив Парскал.

Сондай-ақ, спикер өз студенттерін оқытуда Болдридж сапа менеджменті жүйесін қолданған басқа жоғары оқу орындарының нәтижелерін келтірді.  Оның айтуынша, түлектердің жұмысқа орналасу деңгейі 98% және одан жоғары болды, сондай-ақ сауалнамаға қатысқан жұмыс берушілердің 99% – ы бұл түлектерді жақсы дайындалған деп бағалады.

Семинар ашық диалог түрінде өтті. ҚАЕУ оқытушылары көптеген қызықты және нақтылайтын сұрақтар қойып, оларға толық жауаптар алды. Алынған ақпарат оқытушылар үшін студенттерді оқытудың кең ауқымын ашты, бұл оқытудың тиімділігі мен оқыту сапасын айтарлықтай жақсартады.

Материалды Анастасия Ершова дайындады