«Sustainable Tourism Development» VII Халықаралық қашықтықтан ғылыми жұмыстар байқауы

2024 жылғы 10 желтоқсанда «Туризм» білім беру бағдарламасының Қазақстан-Американдық еркін университетінің студенттері «Sustainable Tourism Development» VII Халықаралық қашықтықтан ғылыми жұмыстар байқауына қатысты. Аталмыш байқауды академик Е.А.Бөкетов атындағы Қарағанды университетінің «Маркетинг» және «Цифрлық экономиканы зерттеу институты» кафедралары ұйымдастырды. Байқауға Қазақстан мен ТМД елдерінен 8 команда қатысты. Байқауға қатысу үшін командаларға I тур үшін «Ауылдық өңірлердің тұрақты дамуы» тақырыбында Mindmap дайындау, сондай-ақ II тур шеңберінде ұсынылған бағыттар бойынша зерттеу жүргізу және ғылыми жұмысты ресімдеу қажет болды.

Ж.С.Жүнісова,Ұ.Б.Нұрмұхаметова, Ж.Ж. Оралбаева құрамындағы  ҚАЕУ«Болашақ»  командасы «Қазақстандағы ЮНЕСКО-ның бүкіләлемдік мұра объектілері: оларды сақтау мәселелері және келешегі» тақырыбында  «Бизнес» кафедрасының аға оқытушысы А. Е. Калиеваның жетекшілігімен ғылыми жұмыс дайындады.Байқау нәтижелерінің қорытындысы бойынша ҚАЕУ «Болашақ» командасы «Ғылыми тәсіл»  аталымы бойынша марапатқа ие болды. 

Бизнес кафедрасы