ҚАЕУ-де американдық профессор Рон Уайлидің «Халықаралық қатынастар» бағдарламасының студенттеріне арналған дәрістері өтті

Қазақстан-Американдық еркін университетінде халықаралық қатынастар саласындағы Phd докторы, профессор Рональд Уайлидің дәрістері өтті. Сабақ тақырыптары әлемдік саясаттың негізгі аспектілерін, соның ішінде дипломатияны қақтығыстарды шешу құралы ретінде, сондай-ақ АҚШ-тың саяси құрылымы мен даму ерекшеліктерін қозғады.

Профессор Рональд Уайли – ҚАЕУ-дің «Құқық және халықаралық қатынастар» кафедрасының жетекші маманы және халықаралық қатынастар мен  жанжалтану саласындағы танымал сарапшы.

Шетелдік профессорлар мен ғылым докторларын шақыру университеттің білім беру  үдерісінің маңызды бөлігіне айналды. Шетелдік мамандардың дәрістері студенттердің ой-өрісін кеңейтіп қана қоймай, әлемдік саясаттың күрделі мәселелерін тереңірек түсінуге ықпал етеді.

          ҚАЕУ-нің халықаралық білім беру ортасы студенттерді өзекті біліммен және     практикалық тәжірибемен қамтамасыз етеді, бұл халықаралық қатынастар саласында жоғары білікті мамандарды қалыптастыруға көмектеседі.