ҚАЕУ-де құқық қорғау органдарының өкілдерімен кездесу: жұмысқа орналастыру және кәсіби даму

2025 жылғы 20 ақпанда Қазақстан-Американдық еркін университетінде бітіруші курс студенттерінің құқық қорғау органдарының өкілдерімен жұмысқа орналасу мәселелері бойынша кездесуі өтті.

Кездесуді Өскемен қаласы Полиция басқармасы бастығының орынбасары полковник М.Б.Баяндинов ашты.

Іс-шараның спикері болып Өскемен қ. ПБ бастығының кадр жұмысы жөніндегі орынбасары, полиция подполковнигі К.Б.Өтелбаев сөз сөйледі, ол жұмысқа орналасу, еңбекақы төлеу шарттары, мемлекеттік қызметшілер үшін ипотекалық мөлшерлеме, зейнеткерлік жас және жұмыс өтілі мәселелерін егжей-тегжейлі атап өтті. Сондай-ақ студенттер алдында Өскемен қ. ПБ патрульдік полиция батальоны командирінің орынбасары, полиция капитаны С. Ж. Көмеков сөз сөйледі.

Студенттер диалогқа белсенді қатысып, құқық қорғау органдарына жұмысқа орналасу және кәсіби даму туралы құнды ақпарат алды.