Профессор Дуглас Хартман (MSU) ҚАЕУ магистранттарына жоғары білім беруді коммерцияландыру және маркетинг тақырыбында сабақ өткізді

2025 жылғы 6 қарашада Michigan State University (MSU, АҚШ) профессоры, Қазақстан-Американдық еркін университетінің шет тілдері кафедрасының профессоры Дуглас Хартман 7М01702(01) «Шет тілі: екі шет тілі» және 7М02302  «Аударма  ісі» білім беру бағдарламаларының магистранттарына «Жоғары  білім мәні мен ұйымдастыруы» пәні бойынша сабақ өткізді.

Сабақтың тақырыбы жоғары білім беруді коммерцияландыру және маркетингтеу болды. Сабақ барысында профессор Хартман студенттермен білім беру саласындағы нарықтық тетіктердің күшейтілу себептерін, олардың университеттердің академиялық құндылықтары мен миссиясына әсерін, сондай-ақ білім сапасы мен жоғары оқу орындарының экономикалық тұрақтылығы арасындағы тепе-теңдікті сақтаудың мүмкін жолдарын талқылады.

Магистранттар пікірталасқа белсенді қатысты, Қазақстан мен АҚШ-тағы үрдістерді салыстырды, табысты халықаралық тәжірибелердің мысалдарын қарастырды, сондай-ақ білім беру ортасын шамадан тыс коммерцияландыру тәуекелдерін талдады. Профессор білім берудің қолжетімділігі, әлеуметтік әділеттілік және университеттің қоғамдық игілік ретіндегі рөлін сақтау мәселелеріне ерекше назар аударды.

Шет тілдері кафедрасы