ҚАЕУ жас ғалымдарының XV Халықаралық форумында профессор Браувейлер қонақ дәріс оқыды

2025 жылғы 9 сәуірде ҚАЕУ-де «Сhallenges and opportunities of a double degree program exemplified with the international and interdisciplinary Master of Science in Management and Information Technology at the University of Applied» Sciences Zwickau with 4 universities in Central Asia and Caucasus» тақырыбында қонақ дәрісі өтті. ҚАЕУ профессоры, экономика ғылымдарының докторы Ханс-Кристиан Браувейлер спикер болды.

Дәрістің мақсатты аудиториясы университет оқытушылары мен бітіру курсының студенттері болды. Сондай-ақ, іс-шараға Д.Серікбаев атындағы Шығыс Қазақстан техникалық университетінің және С.Аманжолов атындағы Шығыс Қазақстан университетінің оқытушылары шақырылды.

Профессор Браувейлер өз сөзінде халықаралық білім беру бағдарламасын әзірлеу және іске асыру тәжірибесімен бөлісті. Ол өзінің және әріптестерінің жіберген қателіктеріне басты назар аударды, сондықтан тыңдаушылар болашақта олардан аулақ бола алады. Сондай-ақ, ол екі диплом алу кезінде оқытудың ерекшеліктері туралы айтты.

Халықаралық бағдарлама 2023 жылы басталды, ал студенттердің алғашқы қабылдауы 2023 жылы өтті. Оқыту төрт семестрден тұрады — екі қысқы және екі жазғы – және студенттерге арналған икемді кестесі бар әртүрлі оқу модулдерін қамтиды. Білім беру консорциумының артықшылықтарының бірі – екінші және үшінші семестрде оқу үшін университетті еркін таңдау мүмкіндігі, сондай-ақ консорциумға кіретін басқа оқу орындарының ресурстарын пайдалану.

Профессор Браувайлердің айтуынша, бағдарламаны құру идеясы 2018 жылы пайда болған, алайда негізгі  мәселе – әртүрлі елдерде, әсіресе Қазақстан Республикасы Ғылым және жоғары білім министрлігінің қатаң талаптары аясында аккредиттеу мәселелерін жеткіліксіз пысықтау болды. Тағы бір қиындық Германияға шетелдік студенттерге виза алу болды, өйткені оқудың бірінші семестрі міндетті түрде Цвиккау университетінде өтеді.

Осыған қарамастан, үміткерлердің саны күткеннен асып түсті: әр оқу жылында 100-ден астам адам қабылданды.

Іс-шара соңында студенттер мен оқытушылар өздерін қызықтырған сұрақтарға профессор Браувайлерден, білім беру бағдарламасының үйлестірушісі Штефан Ноактан және ҚАЕУ Бизнес кафедрасының меңгерушісі И.В. Бордиянудан жауап алды.

Харламов Александр