Студенттік ортадағы құқық бұзушылықтардың алдын алу
2026 жылғы 10 қарашада «Құқық және құқық қорғау қызметі» білім беру бағдарламасының 3-курс студенттері үшін «Заң мен тәртіп» тұжырымдамасын іске асыру аясында «Студенттік ортадағы құқық бұзушылықтардың алдын алу» тақырыбында дәріс өткізілді.
Дәрісті Баденбаев Ерлан Нұрмұхаметұлы өткізді, ол прокуратура органдарындағы қызметтің жеке тәжірибесіне сүйене отырып, жастарды құқыққа қарсы қызметке тартудың негізгі себептері, сондай-ақ студенттер тап болуы мүмкін заманауи қауіптер мен қатерлер туралы айтты.
Құқықтық мәдениетті қалыптастыру, жауапты мінез-құлық және құқық бұзушылықтарға төзбеушілік мәселелеріне ерекше назар аударылды. Студенттерге әлеуметтік желілер мен мессенджерлерде таратылатын күмәнді ұсыныстарға сыни көзқарастың маңыздылығы, сондай-ақ заңсыз әрекеттердің құқықтық салдарын түсіну қажеттілігі түсіндірілді.
Кездесу барысында қатысушылар құқық бұзушылықтың алдын алуға байланысты тәжірибелік жағдайларды талқылап, өздерін қызықтырған сұрақтар қойып, пікір алмасты. Дәріскер заңды білмеу жауапкершіліктен босатпайтынын, ал құқықтық көмекке уақтылы жүгіну жағымсыз салдардың алдын алуға мүмкіндік беретінін атап өтті.
Мұндай іс-шараларды өткізу білім алушылардың құқықтық сауаттылығын арттыруға, заңға бағынатын мінез-құлықты қалыптастыруға және студенттік ортада заңдылық пен құқықтық тәртіп қағидаттарын нығайтуға ықпал етеді.
