Тәжірибелік психологпен кездесу: гештальт тәсілінің теориясы мен тәжірибесі

2025 жылғы 5 қарашада Қазақстан-Американдық еркін университетінің «Психология» білім беру бағдарламасының 3 курс студенттерінің  тәжірибелік психолог, гештальт-терапевт және супервайзер Наталья Максименкомен кездесуі өтті. Кездесу барысында психологиялық кеңес берудің негізгі  қағидаттары мен мақсаттары, сондай-ақ гештальт тәсіліндегі жұмыстың ерекшеліктері талқыланды. Маман терапевттің еріп жүруші ретіндегі рөлі туралы айтып, «мұнда және қазір» хабардарлықтың және клиенттің дене және эмоционалдық көріністеріне мұқият қараудың маңыздылығын атап өтті.

Теориялық бөлімнен кейін студенттерге кәсіби  қағидаттардың іс жүзінде қалай жүзеге асырылып жатқанын көруге мүмкіндік беретін  көрсетілімділік сессия өтті. Талқылау қорытындысы бойынша қатысушылар сессияда кеңес берудің негізгі белгілері – клиенттің сұранысын нақтылау, байланыс орнату және қолдау, белсенді тыңдау, эмпатикалық рефлексия, сезімдермен жұмыс істеу, клиенттің автономиясын қолдау және оның зейіні мен жауапкершілігін дамыту көрсетілгенін атап өтті.

Студенттер тікелей кеңес беру  үдерісін бақылау әсіресе пайдалы болғанын атап өтті: терапевт теория мен  тәжірибені қалай байланыстыратыны, клиенттің хабардарлығын тереңдетуге қандай сұрақтар көмектесетіні және сенімді байланыс қалай құрылатыны белгілі болды. Кездесу соңында қатысушылар өз әсерлерін талқылады және жаңа  бастап жүрген кеңесшіге гештальт тәсілінде кәсіби өсу үшін қажетті дағдыларды белгіледі.

Педагогика және психология кафедрасы