«Жазудан көшбасшылыққа: жаңа бастаған зерттеушілердің негізгі құзыреттері» атты ғылыми семинарлар сериясы

Ғылыми семинарлар сериясы Қазақстан-Американдық еркін университетінде 2025 жылғы 3-13 қараша аралығында өтіп жатқан «Цифрлық әлемдегі білім беруді ізгілендіру: халықаралық серіктестіктің кәсіби және этикалық бағдарлары» атты ҚАЕУ Халықаралық ғылыми конгресінің іс-шаралары  аясында 2025 жылғы 5-6 қарашада өтті.

Екі күн ішінде қатысушылар ғылыми қызметтің, академиялық жазудың, әдістеменің және зерттеу ортасындағы көшбасшылықтың негізгі аспектілерін талқылады.

Заң ғылымдарының кандидаты, ғылыми жұмыс және жоғары оқу орнынан кейінгі білім беру жөніндегі проректор Юлия Александровна Гаврилова ғылыми жобаларды құрудың іргелі  қағидаттарын және оларды  тәжірибелік іске асыруды белгілей отырып, «Табысты ғылыми зерттеудің негізгі элементтері» атты баяндама ұсынды.

Шет тілдері кафедрасының меңгерушісі Новицкая Юлия Васильевна (MEd) және профессор Дуглас Хартман (PhD, АҚШ) «Writing with Purpose: Developing Effective Literature Reviews»,  интерактивті сессиясын өткізіп, оны дереккөздерді сыни талдау әдістеріне және дәлелді зерттеу ұстанымын қалыптастыруға арнады.

Динара Әбілова, PhD, аға оқытушы, «Зерттеу әдістерін  зерделей отырып: сандардан нарративтерге» тақырыбын ашып, сандық және сапалық тәсілдерді үйлестірудің маңыздылығын атап өтті.

Халықаралық бағдарламалар және ынтымақтастық жөніндегі вице-президент Дэниел Бэлласт «Leading with Purpose: Core Values of the Modern Researcher» дәрісінде заманауи зерттеушінің көшбасшылығы мен құндылықтары туралы айтты.

«Ғылыми көшбасшылық және жобалық ойлау: идеядан нәтижеге» баяндамасын PhD Исмухаметова Әйгерім Мэлсатқызы және ҚАЕУ-нің креативті даму және кәсіпкерлік жөніндегі директоры, Edge Hill University (Ұлыбритания) докторанты Астафьева Александра Геннадьевна академиялық ортадағы жобалық тәсілге баса назар аудара отырып ұсынды.

«AI a Research Partner: the New Skills of Tomorrow ‘s Scholars» тақырыбын таныстыра отырып, аға оқытушы Четтікбаев Руслан Қайратұлы семинарлар сериясын аяқтады, онда жасанды интеллекттің ғылыми талдау құралы және зерттеушінің инновациялық серіктесі ретіндегі мүмкіндіктері қарастырылды.

Семинарлар университеттің жас ғалымдарында ғылыми мансапты сенімді бастау үшін қажетті құзыреттерді қалыптастыру және тәжірибе алмасу үшін маңызды алаңға айналды.