ҚАЕУ-де ескерткіш тас ашылды
2025 жылғы 26 қыркүйекте Қазақстан-Американдық еркін университетінің бас ғимаратының алдында естелік тастың салтанатты ашылу рәсімі өтті.
ҚАЕУ Президенті Ережеп Әлхайырұлы Мәмбетқазиев американдық серіктестермен бірге салтанатты рәсімге қатысты. Атап айтқанда Джеймс Ивенсон мен Дэниэль Бэлласт сонау 1994 жылы Қазақстандағы бірінші халықаралық серіктестік университеті – ҚАЕУ-нің бастауында тұрып, оның дамуына елеулі үлес қосты.
Іс-шараның құрметті қонақтары АҚШ Елшілігінің экономикалық мәселелер жөніндегі қызметкері Дэн Туболетс және АҚШ Елшілігінің экономикалық маманы Құралай Омарова болды.
Естелік тас университеттің дәстүрлерін құрған, бостандық пен ынтымақтастық рухын қалыптастырған, оның өсуі мен дамуына ықпал еткен адамдарға құрмет белгісі болды.
Ол ҚАЕУ-дің қалыптасу тарихын, оның дәстүрлерін, өңір мен елдің білімі және ғылымының дамуына қосқан үлесін, сондай-ақ жаңа жетістіктерге ұмтылысын бейнелейді. Естелік тас ұрпақтар сабақтастығының символына айналады — студенттер университеттің ашықтық, жаңашылдық және халықаралық ынтымақтастық идеяларына негізделгенін есте сақтайтын орын.
