ҚАЕУ-де шетелдік оқытушылармен сабақтар өтуде

2025 жылдың күзі Қазақстан-Американдық еркін университетінде дәстүрлі түрде жаңа кездесулермен, жобалармен және білім берудегі жаңа тәсілдермен толықты. ҚАЕУ студенттермен тәжірибесімен, білімімен және кәсіби дамудың халықаралық көзқарасымен бөлісетін шетелдік оқытушыларды  тағы да қабылдайды.

Осы оқу маусымында университетке Research Exchange International ұйымының өкілдері – Тимоти Мур мен Стив Эстес қайта келді. Бұл екеуі үшін де Өскеменге алғашқы сапар емес, олар жылы ахуалды, студенттердің қызығушылығын және болашақ мамандарды даярлаудың жоғары деңгейін  ерекше атап өтеді.

Тимоти Мур ҚАЕУ-ге 2024 жылдың күзінен бастап үшінші рет келуі. Бұл жолы ол «International Business» және «Project Management» пәндерінен сабақ беріп, жастармен бизнес жүргізуге, командаларды басқаруға және халықаралық жобаларды іске асыруға заманауи тәсілдермен бөлісті. Оның сабақтары интерактивтілікпен, тікелей пікірталастармен және студенттер ерекше бағалайтын нақты тәжірибелік мысалдармен ерекшеленді.

Research Exchange International өкілі Стив Эстес ҚАЕУ-ге екінші рет келді. Білімі бойынша ол IT саласындағы маман және дәл осы жағынан студенттерге цифрлық әлемнің заманауи  үрдістерін көрсетті. Оның «Software Management», «Servant Leadership in Organization» және «E-Commerce» курстары студенттерге заманауи бизнестегі технология мен көшбасшылықтың рөлін жаңа қырынан көруге мүмкіндік берді.

Бейіндік пәндерден басқа, шетелдік оқытушылар әртүрлі білім беру бағдарламаларының студенттеріне ағылшын тілі сабақтарын жүргізді, сондай-ақ болашақ аудармашыларға аударма тәжірибесін өткізді. Бұл сабақтар тілдік дағдыларды жетілдіріп қана қоймай, сонымен қатар ағылшын тіл иелерімен тікелей қарым-қатынас жасауға тамаша мүмкіндік болды.

Сапар барысында қонақтар Өскемен қаласының тарихи орталығына барды. Олар үшін экскурсия ұйымдастырылды, оны студенттердің өздері жүргізіп, аудармашылар мен гидтер рөлін атқарды. Бұл алған білімдерін іс жүзінде қолдануға және туған қаланың мәдени мұрасы туралы айтуға тамаша мүмкіндік болды.

Халықаралық сапарлар Қазақстан-Американдық еркін университетінің игі дәстүріне айналды. Олар студенттерге жаңа білімге жол ашады,  ой-өрістерін кеңейтеді және құзыреттілік, ашықтық және өзара түсіністік бағаланатын үлкен кәсіби әлемнің бір бөлігі ретінде сезінуге көмектеседі.