ҚАЕУ делегациясы «Altay Invest-2025» форумының жұмысына қатысты

ҚАЕУ Президенті, ҚР ҰҒА академигі Ережеп Әлхайырұлы Мәмбетқазиев және университеттің шетелдік серіктестері бастаған Қазақстан-Американдық еркін университетінің делегациясы «Altay Invest-2025» форумының жұмысына қатысты.

Форум аясында ҚАЕУ өкілдерінің АҚШ Елшілігінің экономикалық мәселелер жөніндегі қызметкері Дэн Туболетспен және АҚШ Елшілігінің экономикалық маманы Құралай Омаровамен кездесуі өтті. Келіссөздер ынтымақтастықты дамыту және ҚАЕУ мен американдық серіктестер арасындағы диалогты кеңейту мәселелеріне арналды.

Форумның басты мақсаты – Шығыс Қазақстан облысының инвестициялық және экспорттық әлеуетін көрсету, сондай-ақ оның халықаралық ынтымақтастыққа даярлығын көрсету. Ұйымдастырушылардың айтуынша, «Altay Invest-2025» сауда-экономикалық байланыстарды нығайтуға, көлік-логистикалық серіктестікті кеңейтуге және тікелей инвестициялардың өсуін ынталандыруға арналған.

Негізгі міндеттердің қатарында институционалдық диалогты дамыту, бизнес үшін қолайлы орта құру, шекара маңындағы ынтымақтастықты нығайту және туристік салада жаңа жобаларды қалыптастыру көрсетілген. Транзиттік тасымалдар көлемін ұлғайтуға мүмкіндік беретін өңірлік көлік дәліздеріне интеграциялауға да маңызды назар аударылды.

Форум – Шығыс Қазақстан диалог пен жаңа идеялар үшін ашық екендігінің белгісі. Мұнда сарапшылар, инвесторлар мен кәсіпкерлер бірігіп, дамудың басымдықтарын анықтап, өңір экономикасын өзгертуге қабілетті қадамдарды белгілейді. Оның шеңберінде панельдік сессиялар, B2B-кездесулер, сондай-ақ ШҚО-ның болашақ жобалары мен өсуінің жаңа көкжиектері үшін негіз болатын келісімдер мен меморандумдарға қол қою өтеді.

Шығыс Қазақстан облысы инвестициялар мен даму туралы ірі халықаралық диалог алаңына айналды. Өскеменде «Шығыс Қазақстан – өсудің жаңа көкжиектері» ұранымен «Altay Invest – 2025» форумы ашылды. Іс-шара өңірдің  негізгі салаларының болашағын талқылау және экономикалық өсудің жаңа нүктелерін анықтау үшін инвесторларды, сарапшылар мен кәсіпкерлерді жинады, деп хабарлайды Altainews.kz корреспонденті.

Форум инвестициялық жобалардың ауқымды көрмесінен басталды, онда өңірдің 50-ден астам компаниясы өнеркәсіп, ауыл шаруашылығы, энергетика және туризм салаларында өнімдер мен стендтер ұсынды. Қатысушыларға тәжірибе алмасуға, серіктестер табуға және бірлескен бастамаларды іске асыру тетіктерін талқылауға мүмкіндік берілді.