ҚАЕУ командасы оқу сот  процесстерінің өңірлік конкурсында 1 орын алды

2025 жылғы 05 желтоқсанда Қазақстан-Американдық еркін университетінің «Құқықтану» және «Құқық және құқық қорғау қызметі» білім беру бағдарламалары бойынша «Құқық және халықаралық қатынастар» кафедрасының студенттері «Үлгілі сот процесі» өңірлік конкурсына қатысты. Іс-шараны Абай облысы Семей қаласының «Alikhan Bokeikhan University» БМ  қылмыстық-құқықтық пәндер кафедрасы ұйымдастырды.

Конкурсқа «Құқық» даярлау бағыты бойынша өңірдің жоғары оқу орындары мен колледждерінің командалары қатысты. Қазылар алқасының құрамына Абай облысы сотының судьялары, өңірдің прокуратурасы мен адвокатурасының өкілдері кірді. Байқау үш кезеңнен тұрды:

1. Команданы ұсыну

2. Қазақстан Республикасының құқық қорғау органдары жүйесі мен сот жүйесін білу бойынша блиц-сауалнама

3. Көрсетілімдік сот процесі

Жарыс қорытындысы бойынша ҚАЕУ командасы 1 орынға ие болды, ал университет студенттері «Үздік судья» және «Үздік прокурор» екі жеке  аталымында жеңімпаз атанды.

ҚАЕУ командасының құрамы:

1. Жакуева Ұлпан – 4 курс

2. Батырханов Елдос – 4 курс

3. Айдосқызы Айбота – 4 курс

4. Сайлауқан Нұрайым-4 курс

5. Аманғазин Берікжан – 3 курс

6. Сексембай Айбек – 3 курс

7. Мұхтарова Гауһар-3 курс

8. Құрақпаева Айсұлу – 3 курс

9. Төлеудинов Даниал-3 курс

10. Ерсайынова Аружан – 2 курс

11. Бейбітқанқызы Айтұмар-2 курс

Топ жетекшісі – PhD докторы, аға оқытушы-зерттеуші Әділмұратова Рита Әділмұратқызы.

Жеке жеңімпаздар:

• «Үздік судья» – Жакуева Ұлпан, «Құқық және құқық қорғау қызметі» мамандығының 4 курс студенті
• «Үздік прокурор» – Сексембай Айбек, «Құқықтану» мамандығының 3 курс студенті

ҚАЕУ студенттері терең теориялық білімдерін, кәсіби қарым-қатынастың жоғары мәдениетін және қылмыстық және қылмыстық іс жүргізу құқығының нормаларын  тәжірибеде қолдану қабілетін көрсетті. Қазылар алқасының мүшелері команданың сенімділігін, сапалы дайындықты және сот процесін сауатты жүргізуді ерекше атап өтті.

2024 жылы ҚАЕУ командасы да осындай байқаудың жеңімпазы атанып, 1 орын алып, «Үздік судья» және «Үздік адвокат»  аталымдары бойынша марапаттарға ие болғанын атап өткен жөн.

Студенттер мен топ басшысын лайықты жеңісімен және университетті лайықты  көрсетулерімен құттықтаймыз!

Құқық және халықаралық қатынастар кафедрасы