ҚАЕУ «Намыс» командасы – өңірлік еріктілер форумының жүлдегері

2025 жылғы 11 қазанда Шығыс Қазақстан облысы бойынша Төтенше жағдайлар департаментінде Төтенше жағдайлардың алдын алу және олардың салдарын жою саласындағы өңірлік еріктілер форумы өтті.

Қазақстан-Американдық еркін университетінің «Намыс» командасы форум қорытындысы бойынша екінші орын алып, жоғары нәтижелер мен белсенді қатысуды көрсетті.

Іс-шара қауіпсіздік мәдениетін дамытуға, азаматтық жауапкершілікті арттыруға және өңірдің еріктілер бірлестіктері арасында тәжірибе алмасуға бағытталған. ҚАЕУ командасының жетістігі студенттердің жоғары дайындық деңгейін және олардың төтенше жағдайлардың алдын алуға нақты үлес қосуға деген ұмтылысын дәлелдейді.