ҚАЕУ студенттері «Шығыс Салбурыны-2025» Халықаралық фестивалінде волонтер-аудармашы болды

2025 жылғы 8-11 қазан аралығында Қазақстан-Американдық еркін университетінің 6В01703 «Шет тілі: екі шет тілі» және 6В02401 «Аударма  ісі» білім беру бағдарламаларының студенттері «Шығыс Салбурыны-2025» бесінші Халықаралық фестивалінің жұмысына волонтер-аудармашылар ретінде қатысты.

Олардың кәсібилігінің арқасында басқа елдерден келген қатысушылар мен қонақтар фестиваль іс-шараларының мәдени маңыздылығын тереңірек түсініп, қазақ халқының тарихы мен дәстүрлерімен танысып, бірлік пен қонақжайлылық ахуалын сезіне алды. Волонтерлер киіз үйлерге барған кезде шетелдік қонақтармен бірге жүрді, ежелгі рәсімдердің мағынасын түсіндірді, ұлттық тағамдар, қолөнер және музыкалық аспаптар туралы әңгімеледі, сондай-ақ журналистерге материалдар дайындауда көмек көрсетті.

Студенттердің жұмысы ашықтық пен мәдени алмасу ахуалын құруға ықпал етті, соның арқасында фестиваль халықаралық өзара іс-қимыл мен өзара түсіністіктің жарқын үлгісіне айналды.

Шет тілдері кафедрасы