ҚАЕУ студенттері-үстел теннисі бойынша жарыстардың жеңімпаздары

Қазақстан-Американдық еркін университетінің студенттері жастар арасындағы үстел теннисінен жарыстарда 1-орынға ие болды.

ҚАЕУ командасы атынан жарысқа шыққандар:

• Айдынбек Нөсер – «Дене шынықтыру және спорт» білім беру бағдарламасының 3 курс студенті;
• Әмірхан Мұхаметжанов – «Дене шынықтыру және спорт» білім беру бағдарламасының 2 курс студенті;
• Әбіш Ақтілек – «Құқықтану» білім беру бағдарламасының 2 курс студенті.

Жарысты облыстық  «Жастар ресурстық орталығы» КММ Дене шынықтыру және спорт басқармасымен және Полиция департаментінің есірткі қылмысына қарсы іс-қимыл басқармасымен бірлесіп «Заң және тәртіп» қағидатын іске асыру шеңберінде ұйымдастырды.

Жастар арасында үстел теннисінен турнир «Спорт – тәртіптің кепілі» ұранымен өтті. Іс-шараның негізгі мақсаты-жастар арасында салауатты өмір салтын насихаттау, бұқаралық спортты дамыту, тәртіп пен жауапкершілікті қалыптастыру, сондай-ақ құқық бұзушылық пен нашақорлықтың алдын алу.

Студенттерімізді жеңістерімен құттықтаймыз және жаңа спорттық жетістіктер тілейміз!