«ҚАЕУ және Co-Serve International: адамдарға қызмет ету жолындағы ынтымақтастық» брифингі

2025 жылғы 30 мамырда Қазақстан-Американдық еркін университетінде Халықаралық Көшбасшылық Академиясы аясында «ҚАЕУ және Co-serve International: адамдарға қызмет ету жолындағы ынтымақтастық» брифингі өтті. Кездесуде қатысушылар университет басшылығымен және оқытушыларымен танысты. Биыл Академия бес елден — АҚШ, Ауғанстан, Таиланд, Филиппин және Қазақстаннан 32 студент жинады.

Брифинг барысында маңызды мәселелер талқыланды:  заманауи көшбасшыға қандай қасиеттер қажет, мықты командаларды қалай құру керек, неге халықаралық ынтымақтастық көшбасшылықты дамытуда шешуші рөл атқарады, жеке және кәсіби әлеуетті қалай дамытуға болады, сондай-ақ университет елдің болашағын қалыптастыруда қандай рөл атқарады. ҚАЕУ басшылығы мен оқытушылары өздерінің көшбасшылық тарихымен бөлісті, сын-қатерлерді еңсерудің және табысқа жету жолында қалыптасудың жеке тәжірибесі туралы айтты.

Брифинг жылы және шабыттандыратын  ахуалда өтті,  одан арғы кездесулерге, тәжірибе алмасуға және бірлесіп жұмыс істеуге бастама берді. Қазақстан-Американдық еркін университеті әлемді жақсы жаққа өзгертуге дайын көшбасшылардың жаңа буынын қалыптастыру алаңына айналғанын мақтан тұтады.