ҚАЕУ студенттері «Кітап – ұрпақтарды байланыстыратын алтын көпір» әдеби кездесуіне қатысты

2026 жылғы 9 қазанда «Кітап оқитын ұлт» жобасы аясында Шығыс Қазақстан облыстық сәулет–этнографиялық және табиғи-ландшафтық мұражай-қорығының ұйымдастыруымен «Кітап – ұрпақтарды байланыстыратын алтын көпір» атты әдеби кездесу өтті. Іс-шара Қазақстан-Американдық еркін университетінің оқытушылары мен студенттерін, сондай-ақ Қазақстан Жазушылар одағының мүшелерін біріктірді.

Кездесу барысында студенттер қазақтың жазба мәдениетінің қалыптасу тарихы, көрнекті ағартушылар – Ыбырай Алтынсарин, Ахмет Байтұрсынов, Абай Құнанбаев және ұлттық әдебиет пен білімнің дамуына елеулі үлес қосқан басқа да қайраткерлердің өмірі мен шығармашылық мұрасы туралы білді.

Домбырада музыкалық шығармалардың жанды орындалуы кездесуге ерекше ахуал сыйлады. Дәстүрлі қазақ аспабының  үні қатысушыларға әдеби мұра мен халықтың мәдени дәстүрлері арасындағы байланысты тереңірек сезінуге көмектесті.

Кездесу соңында студенттер қазақ мақал-мәтелдері мен әдеби шығармалары туралы білімдерін тексере отырып, шағын интерактивті тапсырмаға қатысты.

Іс-шара қатысушыларға қазақ мәдениеті мен әдеби мұрасының тарихы туралы білімдерін кеңейтуге, сондай-ақ кітаптың ұрпақтар арасындағы байланыстырушы буын ретіндегі маңыздылығына тағы да көз жеткізуге көмектесті.