Қазақстан Республикасының Полиция күні қарсаңында ішкі істер органдарының жас қызметкерлерімен кездесу

2026 жылғы 16 маусымда Шығыс Қазақстан облысының Полиция департаментінде Қазақстан-Американдық еркін университетінің Заң клиникасының басшысы, құқық және халықаралық қатынастар кафедрасының аға оқытушысы Савелий Александрович Мужчилдің ішкі істер органдарының жас қызметкерлерімен кездесуі өтті.

Іс-шара барысында Қазақстан Республикасының конституциялық дамуының өзекті мәселелері, құқықтық мемлекет пен азаматтық қоғамды қалыптастырудағы Конституцияның рөлі, сондай-ақ құқық қорғау органдары қызметкерлерінің кәсіби қызметіндегі конституциялық нормалардың маңызы қаралды. Құқықтық мәдениет, заң үстемдігі және мемлекеттік қызметшілердің қоғам алдындағы жауапкершілігі мәселелеріне ерекше назар аударылды.

Кездесу ашық диалог форматында өтті, бұл қатысушыларға қызмет бабында конституциялық қағидаттарды қолданудың  тәжірибелік аспектілерін талқылауға және құқық қолдану  тәжірибесінің өзекті мәселелері бойынша пікір алмасуға мүмкіндік берді.

Сонымен қатар, Савелий Александрович жас полиция қызметкерлерін  ҚАЕУ-де білім алуды жалғастыру мүмкіндіктерімен таныстырды. Ол университеттің магистрлік білім беру бағдарламалары, олардың кәсіби және мансаптық өсу үшін артықшылықтары туралы айтып берді, сондай-ақ магистратураға түсуге және оқуға байланысты сұрақтарға жауап берді.

ҚАЕУ құқық және халықаралық қатынастар кафедрасының ұжымы ішкі істер органдарының қызметкерлерін жыл сайын 23 маусымда атап өтілетін Қазақстан Республикасының Полиция күнімен құттықтайды. Мықты денсаулық, кәсіби жетістіктер, бақ-береке және қоғамға қызмет етуде және құқықтық тәртіпті қамтамасыз етуде одан әрі табыстар тілейміз.

                                Құқық және халықаралық қатынастар кафедрасы