Аудармашының мансаптық басталуы: ҚАЕУ түлегінің тәжірибесі

2026 жылғы 13 қазанда Қазақстан-Американдық еркін университетінде 6В02301 «Аударма ісі» білім беру бағдарламасының 4 курс студенттерінің ҚАЕУ түлегі Илья Александрович Курочкинмен кездесуі өтті. Кездесу болашақ аудармашылардың мансаптық келешегіне, жұмысқа орналасу ерекшеліктеріне және индустриялық сектордағы кәсіби қызметтің ерекшеліктеріне арналды.

Әңгіме барысында Илья Курочкин өзінің кәсіби тәжірибесімен бөлісті және қазіргі еңбек нарығында техникалық және мамандандырылған аударма қажеттілігі туралы айтты. Ол жас маманның мансабын сәтті бастауы үшін қажет  тәжірибелік дағдылар мен құзыреттерге ерекше назар аударды.

Студенттер аудармашының өнеркәсіп компаниялармен жұмысының ерекшеліктері, бейіндік және техникалық құжаттаманы аударуға қойылатын талаптар, сондай-ақ маманның нақты кәсіби қызметте кездесетін міндеттері туралы білді.

Кездесу ашық диалог форматында өтті. Студенттер университетті бітіргеннен кейін жұмысқа орналасу туралы сауалдар қойды, тәжірибеден нақты жағдайларды талдады және қазіргі жұмыс берушілердің жас мамандарға қойылатын талаптарын талқылады.

ҚАЕУ түлегімен қарым-қатынас болашақ аудармашыларға мамандықты  тәжірибелік жағынан көруге, еңбек нарығына шығуға дайындық бойынша ұсыныстар алуға және одан әрі кәсіби траекторияны жақсырақ анықтауға мүмкіндік берді