Беделден ықпалға: ҚАЕУ көшбасшылық білімнің болашағын талқылады

2026 жылғы 2 қазанда Қазақстан-Американжық еркін университетінде «Беделден ықпалға: көшбасшылық білімнің болашағы» атты воркшоп-пікірталас өтті.

Іс-шара «Ғылым мен білімнің болашағы: халықаралық тәжірибе, инновациялар және көшбасшылық» Халықаралық ғылыми конгресінің аясында өтті.

Спикер Дэвид Макнами – философия докторы (PhD), профессор, ҚАЕУ Консультативтік тобының мүшесі, Co-Serve ұйымының аға ғылыми қызметкері, Оңтүстік Каролина, АҚШ.

Кездесу барысында қатысушылар көшбасшылық пен көшбасшыларды оқытудың заманауи тәсілдеріндегі өзгерістерді талқылады. Негізінен лауазымдық өкілеттіктер мен беделге негізделген көшбасшылықтан ықпал, сенім, жеке үлгі және жауапкершілік арқылы көшбасшылыққа көшуге ерекше назар аударылды.

Интерактивті формат қатысушыларға өз пікірлерін айтуға, тәжірибе алмасуға және  заманауи көшбасшыға қандай қасиеттер қажет екендігі туралы ойлауға мүмкіндік берді. Спикермен бірге олар тиімді көшбасшылықты қалыптастырудағы коммуникацияның, ынтымақтастықтың және құндылық бағдарларының рөлін қарастырды.

Воркшоп көшбасшылық білімнің болашағы және шешім қабылдауға ғана емес, адамдарды біріктіруге, оларды шабыттандыруға және бірлесіп дамуға жағдай жасауға қабілетті мамандарды даярлау туралы ашық диалог алаңына айналды.