«Қысқартылған білім беру бағдарламалары» факультеті

«Қысқартылған білім беру бағдарламалары» факультеті бакалавриаттың 20 білім беру бағдарламасы бойынша мамандар даярлайды. Оқыту мемлекеттік және орыс тілдерде техникалық және кәсіптік, сондай-ақ жоғары білім негізінде, оқу ақысын толық өтеу және мемлекеттік білім беру гранттары есебінен жүргізіледі.

Факультет құрамында 4 кафедра жұмыс істейді: «Бизнес», «Құқық және халықаралық қатынастар», «Шет тілдері», «Педагогика және психология». Факультеттің оқу процесін ҚАЕУ кафедраларының профессор-оқытушылар құрамы қамтамасыз етеді.

Мамандарды даярлау Қазақстан Республикасының жоғары және жоғары оқу орнынан кейінгі білім берудің мемлекеттік жалпыға міндетті стандартына сәйкес жүргізіледі. Сабақтар кредиттік оқыту технологиясы бойынша өтеді.

Факультет аудиториялық түрде, сондай-ақ қашықтықтан оқыту технологиясы арқылы білім береді. Қашықтықтан оқыту келесі нормативтік құжаттарға сәйкес ұйымдастырылады: «Жоғары және (немесе) жоғары оқу орнынан кейінгі білім беру бағдарламалары бойынша қашықтықтан білім беруді ұйымдастыру қағидалары және білім беру ұйымдарына қойылатын талаптар» (Қазақстан Республикасы Білім және ғылым министрінің 2015 жылғы 20 наурыздағы № 137 бұйрығы. Қазақстан Республикасы Әділет министрлігінде 2015 жылғы 22 сәуірде № 10768 тіркелген). Қашықтықтан оқыту технологиясын ҚАЕУ сайтында орналасқан «Moodle» платформасы қамтамасыз етеді.

Факультеттің қызмет мазмұны мен технологиясы білім алушылардың тұлғалық, шығармашылық және кәсіби дамуына бағытталған. Студенттер тек іргелі және кәсіби білім алып қана қоймай, өзін-өзі дамыту мен басқалармен бірлесе шығармашылықпен жұмыс істеу қабілеттерін де қалыптастырады. Құрмет пен өзара сенім атмосферасы — студенттерді оқытудың басты қағидаты. Университеттің профессор-оқытушылар құрамы білім алушылар контингентінің ерекшелігін ескереді — олар кәсіби тәжірибесі бар, жеткілікті дәрежеде ересек жастағы адамдар.

Факультет түлектері жоғары кәсіби білім беру бағдарламаларын сәтті меңгеріп, ғылыми қызметке бейімділік танытқан жағдайда магистратурада оқуын жалғастыру мүмкіндігіне ие.

Оқу процесін ұйымдастыруды деканат жүзеге асырады. Оның құрамына декан Шефер Надежда Михайловна, факультет әдіскері Шарыпова Алтынкыз Бимухамбетовна және тіркеу офисінің қызметкері Садибекова Меруерт Абилхасимовна кіреді.

Факультеттегі білім беру бағдарламалары, оқу мерзімі және бітірушілерге берілетін дәрежелер туралы ақпарат төмендегі кестеде көрсетілген: