Digital Bridge 2025

2025 жылғы 3 қазанда Қазақстан-Американдық еркін университеті Астанадағы Digital Bridge 2025 халықаралық форумы  аясында өткен «AI-Sana: болашақ экономикасының цифрлық құзыреттері» стратегиялық сессиясына қатысты.

Digital Bridge білім беру, IT-индустрия, бизнес және мемлекеттік сектор көшбасшыларын біріктіретін Орталық Азияның басты технологиялық форумы болып табылады. Форум тәжірибе алмасу, цифрлық трансформация стратегияларын талқылау және жасанды интеллект пен стартаптар саласындағы инновациялық идеяларды ілгерілету алаңы ретінде қызмет етеді.

Сессияда цифрлық ассистенттерді, оқыту мен басқаруға арналған  зияткерлік шешімдерді әзірлеуді, сондай-ақ ЖИ технологияларын оқу  үдерісіне біріктіруді қамтитын ҚАЕУ білім беру экожүйесіне жасанды интеллектті енгізу тәжірибесі ұсынылды.

Іс-шараға қатысу университеттің білім беруді цифрландыру және болашақ құзыреттерін қалыптастыру жөніндегі стратегиялық бағытын дамытудағы маңызды қадам болды.

Ақпараттық қамтамасыз ету және цифрлық білім беру технологиялары орталығының директоры Ю. В. Трофимова