Мұхтар Шахановтың шығармашылығына арналған қалалық байқауы
2024 жылдың 15 наурызында Қазақстан-Американдық еркін университеті Мұхтар Шахановтың шығармашылығына арналған «Көркемсөз оқу шеберлері» қалалық байқауын өткізді. Байқауға Өскемен қаласы колледждерінің білім алушылары бойынша өнерпаздар қатысты.
Байқаудың мақсаты: іс-шара Қазақстанның Халық жазушысы және ақыны, қоғам қайраткері Мұхтар Шахановтың шығармашылығына арналды.
Байқаудың міндеті: көркем әдебиетті, қазақ қаламгерлерінің шығармашылық мұрасын насихаттау, ел бірлігін нығайту және отансүйгіштік сезімге тәрбиелеу, қазақтың ұлттық мәдениеті мен өнеріне, әдебиеті мен тіліне деген көпшілік ықыласын арттыру, жастар арасында кітап оқу мәдениетін дамыту.
Байқаудың бағалануы: қазылар алқасы байқауға қатысушылардың өнерін бағалау кезінде олардың көркем мәтінді оқу шеберлігіне, дауыс мәнеріне және тіл тазалығына, мәтінді таңдау талғамына, сахнада өзін-өзі ұстауына, образына және сұраққа толық әрі дұрыс жауап беруіне баса назар аударады.
Байқау қорытындысы бойынша жүлделі орын алғандар:
| Орын | Аты-жөні | Оқу орнының атауы |
| 1-орын | Қабышова Айсұлу Берікқызы | Абай атындағы Шығыс Қазақстан гуманитарлық колледжі |
| 2-орын | Бекжанова Наздана Дәулетқызы | Абай атындағы Шығыс Қазақстан гуманитарлық колледжі |
| Айдынқызы Кәусар | Абай атындағы Шығыс Қазақстан гуманитарлық колледжі | |
| 3-орын | Борантайқызы Айзере | Абай атындағы Шығыс Қазақстан гуманитарлық колледжі |
| Жамелов Алдияр Кенжебекович | Абай атындағы Шығыс Қазақстан гуманитарлық колледжі | |
| Құрманбек Нұрай Жарқынқызы | Қазақстан-Американдық еркін университетінің Жоғарғы колледжі |
Жеңімпаздарды құттықтап, ел болашағы боларлық өнерлі жастарды дайындаған жетекшілеріне алғыс білдіреміз!
Педагогика және психология кафедрасы
