ҚАЕУ-2023 шығарылымы
Жыл сайын Қазақстан-Американдық еркін университеті егемен Қазақстанның игілігі үшін жоғары білікті мамандар даярлап шығарады. ҚАЕУ президенті Мәмбетқазиев Ережеп Әлхайырұлы мен АҚШ-тың PhD докторы Хью Холманның қолынан 2023 жылғы түлектер көптен күткен дипломдарын алды.
ҚАЕУ-нің 1461 түлегі еңбек нарығында білікті мамандар қатарын толықтырады, бакалавриаттың 97 түлегі үздік диплом алды, магистратураның 139 түлегі магистратурада оқуын сәтті аяқтады, 61 түлек американдық бағдарламаның ҚАЕУ түлегі дипломын алады. Түлектердің әрқайсысы – нағыз дарын мен табандылықтың бейнесі, Қазақстан мен әлемнің дамуына өз үлесін қосуға дайын жаңа буын өкілдері.
ҚАЕУ аккредиттеу, сертификаттау және сапаны қамтамасыз ету Институтының (ACQUIN) логотипімен, сондай-ақ білім беру сапасының жоғары деңгейін растайтын ASBSP аккредиттеу агенттігінің логотипімен өз үлгісіндегі дипломдар береді.
Оқыту барысында оқытушылар мен студенттер тұрақты ғылыми және шығармашылық өзара әрекеттестікте болды – шеберлік сабақтары, тренингтер, іскерлік ойындар, практикумдар, дербес зерттеулер ұйымдастырды және өткізді. Студенттер болашақ кәсіби қызметін ескере отырып, ғылыми мақалалар жазуды үйренді, академиялық жазу дағдыларын игерді және дамытты, Қазақстанда және шетелде түрлі іс-тәжірибелер мен тағылымдамалардан өтті.
ҚАЕУ түлектері -халықаралық олимпиадалар мен байқаулардың жеңімпаздары, шетелдік жоғары оқу орындарындағы бағдарламалар мен тағылымдамалардағы академиялық ұтқырлыққа қатысушылар. Түлектер арасында мемлекеттік гранттар, ҚР Президентінің стипендиясы, “Алтын белгі” иегерлері бар.
Құрметті түлектер, сендердің бітіру кешіңіз – бұл сендердің ғана жеңістерің емес, сонымен қатар біздің университет үшін үлкен жетістік. Сендер біздің білім, ғылыми зерттеулер және инновациялар елшісі боласыңдар. Сендердің жетістіктерің бізді шабыттандырады және біздің білім беру тәсіліміздің құндылығын растайды. Әрқайсыларың жаңа биіктерге ұмтылып, батылдық пен шығармашылықтың шекараларын еңсере отырып, өз сапарларыңды жалғастыра беріңдер! 2023 жылғы Қазақстан-Американдық еркін университетінің түлектерін құттықтаймыз!
