«Мирас» Университетінде қонақ дәрісі

2026 жылғы 28 қазанда университетаралық ынтымақтастық және Қазақстан Республикасының жаңа Конституциясын түсіндіру жөніндегі бағдарламаны іске асыру шеңберінде онлайн-форматта ҚАЕУ заң клиникасының басшысы Савелий Александрович  мужчильдің «Жаңа Конституция Қазақстан Республикасының прогресс факторы ретінде» тақырыбында қонақ дәрісі өтті.

Дәріс тыңдаушылары «Мирас» университетінің (Шымкент қ.) профессор-оқытушылар құрамы мен студенттері болды.

Сөз сөйлеу барысында Конституцияның мемлекет пен қоғамның дамуындағы маңызы, оның адам құқықтары мен бостандықтарын қамтамасыз етудегі, заңдылықты нығайтудағы және мемлекеттік басқару жүйесін жетілдірудегі рөлі қарастырылды. Жаңа Конституцияның негізгі ережелеріне және олардың Қазақстан Республикасының одан әрі қоғамдық-саяси және құқықтық дамуына ықпалына ерекше назар аударылды.

Қонақ дәрісін өткізу конституциялық өзгерістердің мазмұны мен маңыздылығын түсіндіруге, білім алушылардың құқықтық ой-өрісін кеңейтуге, академиялық диалогты дамытуға және университеттер арасындағы ынтымақтастықты нығайтуға ықпал етті. Іс-шара ҚАЕУ заң клиникасының жұмыс жоспарына сәйкес ұйымдастырылды.

«Мирас» университетінің басшылығына, профессор-оқытушылар құрамына және студенттеріне ынтымақтастық, қызығушылық танытқаны және кездесуге белсенді қатысқаны үшін алғыс айтамыз!

Құқық және халықаралық қатынастар кафедрасы