OMIR INNOVATION UNIVERSITY-мен ынтымақтастықты дамыту

2026 жылғы 8 қазанда ҚАЕУ заң клиникасының басшысы Мужчиль Савелий Александрович OMIR INNOVATION UNIVERSITY-де (Алматы қ.) болды, онда университет ректоры, заң ғылымдарының докторы Өмірәлі Жазира Өмірәліқызымен кездесу өтті.

Кездесуге сондай-ақ стратегиялық даму, халықаралық байланыстар және коммерцияландыру жөніндегі проректор, заң ғылымдарының кандидаты Омурчиева Эльвира Маратқызы қатысты.

Тараптар жоғары оқу орындары арасындағы өзара іс-қимылдың  келешек бағыттарын, оның ішінде академиялық ұтқырлықты дамытуды, ғылыми конференцияларды бірлесіп ұйымдастыруды, заң клиникаларының қызметі саласындағы тәжірибе алмасуды және ынтымақтастықты талқылады.

Кездесу университеттер арасында кәсіби және академиялық байланыстар орнатудағы маңызды қадам болды. OMIR INNOVATION UNIVERSITY-мен одан әрі жемісті және нәтижелі ынтымақтастыққа үміт білдіреміз!

ҚАЕУ құқық және халықаралық қатынастар кафедрасы