Шет тілдері кафедрасының студенттеріне арналған көптік интеллект теориясы бойынша семинар

2026 жылғы 13 сәуірде Қазақстан-Американдық еркін университетінің (жетекші оқытушы – Осколкова Анна Александровна) «Заманауи ғылыми бағыттар: қолданбалы зерттеулерден инновацияларға дейін» атты XVI Халықаралық жас ғалымдар форумын өткізу  аясында «Ағылшын тілін оқытуда көптік интеллект теориясын қолдану» тақырыбында тәжірибеге бағытталған семинар өткізілді.

Сабақ барысында студенттер американдық психолог Говард Гарднер жасаған  көптік интеллект теориясымен танысып, интеллекттің сегіз түрін және олардың шет тілдерін үйрену  үдерісіндегі рөлін қарастырды.

Тәжірибелік бөлімге ерекше назар аударылды. Студенттер интеллекттің өзіндік түрін анықтау үшін шағын диагностикадан өтті, әртүрлі оқу стильдерінің ерекшеліктерін талқылауға қатысты, сондай-ақ интеллекттің әртүрлі түрлерін ескере отырып, ағылшын тілі сабақтарына арналған жаттығуларды әзірлеу бойынша топтық тапсырмаларды орындады.

Семинар аясында визуалды, аудиалды, кинестетикалық және коммуникативтік тәсілдерді пайдалана отырып, тілдік дағдыларды дамытуға бағытталған тапсырмалардың мысалдары көрсетілді. Қатысушылар жұмысқа белсене араласып, шығармашылықпен және жоғары деңгейдегі белсенділік танытты.

Соңғы кезең – бұл теорияны білім беру  үдерісіне енгізудің қиындықтарын талқылау және тиімді әдістемелік шешімдерді іздеу, соның ішінде сараланған оқыту және оқу іс-әрекетін икемді ұйымдастыру болды.

Өткізілген семинар студенттердің кәсіби құзыреттілігін дамытуға, сондай-ақ олардың шет тілдерін оқытудың заманауи тәсілдері туралы түсініктерін кеңейтуге ықпал етті.

Шет тілдері кафедрасы