ҚАЕУ-дегі американдық экологтың қонақ дәрісі: климат денсаулыққа қалай әсер етеді

2025 жылғы 17 сәуірде Қазақстан-Американдық еркін университетінде «The climate is changing: what are the implications for our health» тақырыбында қонақ дәрісі өтті. Спикер ретінде АҚШ-тың қоршаған ортаны қорғау және қоғамдық денсаулық сақтау саласындағы сарапшысы Рэндалл Бруинс сөз сөйледі. Дәріс университеттің  мәжіліс залында өтті және Өскемен қаласының мектептері мен колледждерінің 9-11 сынып оқушыларын жинады.

Іс-шара барысында климаттың өзгеруінің негізгі аспектілері және оның адам денсаулығына әсері талқыланды, сондай-ақ жаһандық және өңірлік экологиялық сын-қатерлер қаралды. Іс-шараның форматы негізгі ақпараттық бөлімді де, «сұрақтар мен жауаптар» блогын да қамтыды, бұл қатысушыларға өздерін қызықтыратын сұрақтарды тікелей маманға қоюға мүмкіндік берді. Дәрісті ұйымдастырушылар жастарға экологиялық білім беру және тұрақты даму мәселелеріне жауапкершілікпен қарауды қалыптастыру үшін осындай кездесулердің маңыздылығын атап өтті.