ҚАЕУ-нің жасанды интеллект саласындағы тәжірибесі сандық мемлекеттік басқару бойынша халықаралық конференцияда таныстырылды

2026 жылғы 24 маусымда Өскеменде Қазақстан Республикасы Президентінің жанындағы Мемлекеттік басқару академиясы Шығыс Қазақстан облысының әкімдігімен бірлесіп ұйымдастырған «Цифрландыру дәуіріндегі мемлекеттік басқару: өңірлік аспект» атты Халықаралық ғылыми-тәжірибелік конференция өтті. Конференция мемлекеттік басқаруды цифрлық трансформациялаудың заманауи тәсілдерін талқылау үшін Қазақстан мен шет елдердің мемлекеттік органдарының, ғылыми қоғамдастығының, жоғары оқу орындары мен сарапшылық ұйымдарының өкілдерін біріктірді.

Қазақстан-Американдық еркін университетін конференцияда Ақпараттық қамтамасыз ету және сандық білім беру технологиялары орталығының директоры Юлия Владимировна Трофимова, сондай-ақ 7M06102 Ақпараттық жүйелер 1 курс магистранты, Федотов Данил Алексевич «Сандық басқару және сервистік трансформация құралы ретінде ЖИ-агенттер: ҚАЕУтәжірибесі» баяндамаларымен таныстырды. Баяндама университетте де, серіктес ұйымдарда да қолданылып жүрген жергілікті тілдік модельдер негізінде зияткерлік ЖИ-агенттерді әзірлеу мен енгізудің  тәжірибелік нәтижелеріне арналды.

Сөз сөйлеу барысында білім беру  үдерісі мен әкімшілік қызметті қолдау үшін қолданыстағы сегіз  зияткерлік сервистен тұратын KAFU AI-Sana экожүйесінің негізгі жобалары ұсынылды. Корпоративтік құжаттаманы құпия аудару жүйесі – Kazzinc AI Translator және әдістемелік материалдарды дайындау мерзімін айтарлықтай қысқартуға мүмкіндік беретін кәсіптер матрицаларының зияткерлік құрастырушысы – Kazzinc GPT-тің «Қазмырыш» ЖШС үшін әзірленген шешімдерге ерекше назар аударылды.

Жергілікті тілдік үлгіде жұмыс істейтін студенттерге анонимді психологиялық қолдау көрсету сервисі KAFU Senym AI жобасы қатысушылардың қызығушылығын тудырды. Жеке инфрақұрылымды пайдалану дербес деректерді қорғаудың жоғары деңгейін қамтамасыз етеді және Қазақстан Республикасының жасанды интеллект саласындағы заңнамасының қазіргі заманғы талаптарына сәйкес келеді.

Юлия Владимировна өз сөзінде жергілікті тілдік моделдер цифрлық трансформацияны деректердің құпиялылығымен және цифрлық егемендікпен үйлестіруге мүмкіндік беретінін атап өтті. Ұсынылған әзірлемелер жасанды интеллектті білім беру ортасында ғана емес, өнеркәсіп кәсіпорындарының қызметінде де  тәжірибелік қолдану мүмкіндігін, сондай-ақ оларды мемлекеттік басқару жүйесінде пайдалану  келешегін көрсетеді.

Қазақстан-Американдық еркін университетінің халықаралық конференцияға қатысуы университеттің жасанды интеллект және цифрлық технологиялар саласындағы ғылыми- тәжірибелік әзірлемелерінің жоғары деңгейін дәлелдеді. Ұсынылған тәжірибе іс-шараға қатысушылардың үлкен кәсіби қызығушылығын тудырды және өңірдің мемлекеттік органдарында, білім беру мекемелерінде және басқа да ұйымдарында пайдалану үшін ҚАЕУ-де әзірленген шешімдерді масштабтау әлеуетін көрсетті.

Ақпараттық қамтамасыз ету және цифрлық білім беру технологиялары орталығы