ҚАЕУ оқытушылары гиг-экономика жағдайындағы еңбек құқығы мәселелері жөніндегі халықаралық конференцияға қатысты

2026 жылғы 24 сәуірде Қазақстан-Американдық еркін университетінің «Құқық және халықаралық қатынастар» кафедрасының оқытушылары – Б.А.Умитчинова PhD, қауымдастырылған зерттеуші профессор және аға оқытушы М.Н. Тәжиева «гиг-экономика» жағдайындағы еңбек қатынастарын құқықтық реттеу мәселелері» тақырыбында Ташкент мемлекеттік заң университетінің еңбек құқығы секторы ұйымдастырған халықаралық ғылыми-теориялық конференцияға қатысты. 

Конференция барысында гиг-экономиканы дамыту, цифрландыру және платформалық жұмыспен қамту, еңбек қатынастары презумпциясы, сондай-ақ еңбекті алгоритмдік басқару сияқты негізгі мәселелер бойынша пікір алмасу өтті. Онлайн-платформа қызметкерлерінің құқықтық мәртебесіне, цифрлық кемсітушілік  мәселелеріне және қызметкерлердің өмірі мен денсаулығына келтірілген зиянды өтеу мәселелеріне ерекше назар аударылды.

Халықаралық конференцияға Өзбекстандағы Халықаралық еңбек ұйымының өкілі, сондай-ақ Жапония, Түркия, Ресей және басқа елдердің университеттерінің ғалымдары қатысты. Қатысушылар қазіргі еңбек құқығының өзекті мәселелеріне ғылыми көзқарастарымен алмасты.

Құқық және халықаралық қатынастар кафедрасы