ҚАЕУ оқытушысы Германиядағы Гёте институтында тағылымдамадан сәтті өтті

28 маусым мен 11 шілде аралығында ҚАЕУ Лингвистикалық орталығының директоры және ҚАЕУ шет тілдері кафедрасының аға оқытушысы Елена Витальевна Шихотова Гёте-Институттың халықаралық стипендиясының иегері атанды және Мюнхендегі (Германия) Гёте-Институтта екі апталық тағылымдамадан сәтті өтті.

Бағдарлама «Жастарға арналған неміс тілін оқыту әдістемесі мен дидактикасы» тақырыбына арналды және әлемнің 11 елінен: Қытай, Бразилия, Вьетнам, Испания, Литва, Грузия, Австралия, Болгария, Португалия, Украина және Индонезиядан 17 оқытушыны біріктірді.

Екі апталық қарқынды және өнімді жұмыс түрлі елдердегі әріптестермен кәсіби тәжірибе алмасудың, неміс тілін оқытудың қазіргі заманғы әдістемелерімен танысудың,  тәжірибелік семинарлар мен шеберлік сабақтарына қатысудың, сондай-ақ жастарды оқытудың өзекті тәсілдерін талқылаудың бірегей мүмкіндігі болды.

Алынған білім, идеялар мен халықаралық тәжірибе қазіргі заманғы білім беру технологияларын енгізуге және шет тілдерін оқыту сапасын арттыруға ықпал ете отырып, ҚАЕУ Лингвистикалық орталығының одан арғы жұмысында және болашақ мамандарды даярлауда пайдаланылатын болады.

Гёте-Институтқа кәсіби өсу мүмкіндігі, халықаралық ахуал мен ынтымақтастықтың баға жетпес тәжірибесі үшін алғыс айтамыз!