Қазақстан Халық Кеңесі: қоғам мен мемлекет арасындағы диалог алаңы
2026 жылғы 30 қыркүйекте Қазақстан – Американдық еркін университетінде жаңа конституциялық институт – Қазақстан Халық Кеңесі қызметіне арналған кездесу өтті. Қатысушылар оның жалпыұлттық диалогты дамытудағы, өңірлердің мүдделерін білдірудегі және қоғам мен мемлекет арасындағы өзара іс-қимылды нығайтудағы рөлін талқылады.
Іс-шараға Шығыс Қазақстан облысы әкімінің орынбасары Айдар Серікқазыұлы Садырбаев, Қазақстан Халық Кеңесінің мүшелері Денис Сергеевич Рыпаков және Вера Николаевна Правдина, «Әділет» партиясының Шығыс Қазақстан облыстық филиалының төрағасы Жанат Жұмағазықызы Мекеева, қоғамдық бірлестіктердің өкілдері, ҚАЕУ оқытушылары мен студенттері қатысты.
ҚАЕУ-нің бірінші вице-президенті Жасұлан Ерболұлы Байкенов құттықтау сөз сөйледі. Ол ашық қоғамдық диалогтың маңыздылығын атап өтіп, сондай-ақ жастардың азаматтық ұстанымын қалыптастырудағы университеттік ортаның ерекше рөлін атады. Оның айтуынша, студенттер кәсіби білім алып қана қоймай, қоғамдық өмірге белсенді қатысып, бастамалар көтеріп, елдің болашағы үшін жауапкершілікті өз мойнына алуы керек.
Кездесуге қатысушыларға ҚАЕУ-нің халықаралық бағдарламалар және ынтымақтастық жөніндегі вице-президенті Дэниэл Бэлласт құттықтау сөз сөйледі. Ол өз сөзінде ашық диалогтың, өзара құрмет пен ынтымақтастыққа даын болудың маңыздылығын атап өтті. Дэниел Бэлласт университет ортасының рөліне ерекше назар аударды, онда жастар әртүрлі көзқарастарды естуді, шешімдерді бірлесіп табуды және жауапты азаматтық ұстаным көрсетуді үйренеді.
Кездесуде Қазақстан Халық Кеңесі өңірлердің, мәслихаттардың, қоғамдық кеңестердің, этномәдени бірлестіктер мен азаматтық қоғам институттарының өкілдерін біріктіретін ашық алаңға айналуы тиіс екендігі атап өтілді. Оның құрамына әр түрлі кәсіби және әлеуметтік топтардың атынан шыққан 126 адам кірді.
Қатысушылар «Әр түрлі пікірлер – біртұтас ұлт» қағидатына ерекше назар аударды. Қоғамдық бірліктің негізі әртүрлі ұстанымдарды құрметтеу, бір-бірін естуге дайын болу және сындарлы шешімдерді бірлесіп іздеу болуы керек.
Негізгі тақырыптардың бірі Шығыс Қазақстанның мүдделерін жалпыұлттық деңгейде ұсыну болды. Қатысушылар өңірлердің ерекшеліктерін ескеру, шекара маңындағы аумақтардың дамуын қолдау, ауылдардың инфрақұрылымын жетілдіру және жас мамандар үшін лайықты жағдайлар жасау қажеттігі туралы айтты. Әлеуметтік кепілдіктер мен кәсіби даму мүмкіндіктерін кеңейтуді қоса алғанда, түлектерді шалғай аудандарға тарту жөніндегі шаралар бөлек талқыланды.
Өңірлік ғылымды қолдау мәселесін ҚАЕУ ғылым жөніндегі проректоры Юлия Александровна Гаврилова көтерді. Ол жас ғалымдарды қолдауға және олардың елордалық жоғары оқу орындарына кетуін қысқартуға мүмкіндік беретін өңірлік университеттердегі зерттеулерді қаржыландырудың қосымша тетіктерін қарастыруды ұсынды. Кездесуге қатысушылар бұл бастама Қазақстан Халық Кеңесі жұмысының шеңберінде одан әрі қарау үшін тұжырымдалуы мүмкін екенін атап өтті.
Талқылауда жастардың рөлі маңызды орын алды. Студенттер сырттан бақылаушы болып қалмай, қоғамдық өмірге белсенді қатысуға, идеялар ұсынуға және жас ұрпақты толғандыратын мәселелерге назар аударуға шақырылды.
Кездесу барысында Рыпаков Денис Сергеевич университет базасында Қазақстан Халық Кеңесі қызметіне байланысты жастар Кеңесін құру туралы бастама көтерді. Кеңес білім беру және қоғамдық өмір мәселелерін талқылауға, студенттердің бастамаларын дайындауға және өңірлік, республикалық деңгейлерге аса маңызды ұсыныстарды ілгерілетуге арналған алаң бола алады.
Спикерлер университет ашық диалог үшін маңызды кеңістік екенін атап өтті. Дәл осы жерде жастар кәсіби білім алып қана қоймай, азаматтық ұстанымды қалыптастырады, өз пікірлерін дәлелді түрде айтуға, әртүрлі көзқарастарды құрметтеуге және ортақ болашақ үшін жауапкершілікті алуға үйренеді.
Кездесу ашық пікір алмасумен аяқталды. Қатысушылар жаңа институт жұмысының келешегін талқылады және оның тиімділігі азаматтардың белсенділігіне, алға қойылған бастамалардың мазмұнына және өңірлер, қоғам және мемлекет арасындағы тұрақты кері байланысқа қатысты болатынын атап өтті.
