Жауапкершілік менен басталады

2026 жылғы 23 қыркүйекте Қазақстан-Американдық еркін университетінде «Заң мен тәртіп» бағыты аясында«Жауапкершілік менен басталады» тақырыбында іс-шара өтті.

Қатысушылар заңдар мен құқықтық нормаларды сақтаудың маңыздылығын, сондай-ақ әр адамның өз шешімдері мен әрекеттері үшін жеке жауапкершілігін талқылады. Қоғамдық тәртіп пен қауіпсіздік әрқайсымыздың саналы мінез-құлқымыздан басталатынына ерекше назар аударылды. Заңды сақтау, айналаңдарға құрмет көрсету және өз міндеттеріне адал қарау құқықтық мемлекеттің маңызды негіздері болып табылады.

Кездесу ашық диалог форматында өтті. Қатысушылар өз пікірлерін білдіріп, өмірлік мысалдармен бөлісіп, құқықтық мәдениеттің өзекті мәселелерін бірге талқылай алды.

Мұндай іс-шаралар  азаматтық жауапкершілікті қалыптастыруға ықпал етеді және қоғамдағы оң өзгерістер әр адамның жеке таңдауынан басталатынын түсінуге көмектеседі. Өйткені, жауапкершілік шынымен менен басталады.