Халықаралық стипендияларды жеңіп алған шет тілдері кафедрасының түлектері

Құрметті ҚАЕУ түлектері, құрметті әріптестер мен достар!

Жыл сайын университет өз әлеуетін табысты іске асырып, оқуда және кәсіби салада жаңа биіктерге жеткен түлектерін мақтан  етуде. Әр түрлі елдер мен оқу орындарында білім алуды жалғастыратын студенттеріміз, сондай-ақ инновациялық бағдарламалар мен халықаралық ынтымақтастық саласында маңызды қадамдар жасайтындар ерекше назар аударуға лайық.

«Шет тілі: екі шет тілі» бағдарламасы бойынша бакалавриатты аяқтаған Камила Дюсекина Венециядағы Ca’Foscari университетінің магистратурасында оқуын жалғастырады, онда тіл ғылымдары бойынша білімін тереңдетеді. Оның жетістігі – шет тілдерін үйрену түлектерге одан әрі даму үшін үлкен мүмкіндіктер ашатынының үлгісі.

«Шет тілі: екі шет тілі» бағдарламасы бойынша бакалавриатты бітірген Динара Кабиева «Università degli Studi di BOLOGNA» магистратурасында оқуын жалғастырады, онда «Цифрлық гуманитарлық ғылымдар мен цифрлық білімді» оқып үйренеді. Бұл қазіргі әлемдегі табысты мансап үшін гуманитарлық және технологиялық білімді синтездеудің маңыздылығын растайды.

Сондай-ақ, магистрлік бағдарламада оқуын жалғастыру үшін ҚАЕУ-де қалған түлектерімізді қуана атап өткізгіміз келеді. Шет тілдері кафедрасын бітірген Дмитрий Ложников пен Анастасия Самойлова «IT Менеджмент» (7М04105) бағдарламасы бойынша магистратураны — қос дипломның бірегей бағдарламасын (double degree) таңдады. Бұл бағдарлама әлемнің жетекші университеттерімен серіктестікте жүзеге асырылады: Батыс Саксон қолданбалы ғылымдар университеті (Германия), Қазақстан-Американдық еркін университеті (Қазақстан), Армян мемлекеттік экономикалық университеті (Армения), Қырғыз-Германия қолданбалы информатика институты (Қырғызстан), және Халықаралық Қара теңіз университеті (Грузия). Мұндай халықаралық бағдарламаға қатысу жеке және кәсіби өсу үшін жаңа көкжиектер ашады, сондай-ақ екі диплом алуға және ақпараттық технологиялар мен менеджмент саласындағы ой-өрісін кеңейтуге мүмкіндік береді.

Түлектерімізді осы маңызды қадаммен құттықтаймыз және білім мен мансаптың жаңа биіктеріне жету жолында одан әрі табыстар тілейміз! Алда көптеген қызықты жаңалықтар мен сәтті жобалар болсын!Ізгі тілектермен!